SULIFFINNUT ATATILLUGU ANGALANERIT ILISIMASAQARLUARFIGAAGUT AQQUTAA TAMAAT TOQQISSISIMATISSAVATSIGIT AIR GREENLANDIP NUNATTALU ILAGAATIGUT

Nuummut sivitsukkamik sapaatip akunneranik naanersiorneq

Sisimiuniit aallarit

Nuummi sivitsukkamik sapaatip akunnera naanersioriarit nuannerluinnartumik. Illoqarfinnit allaniit tikikkaanni maluginiagassat siulliit ilagaat biilinut qulliit ingerlanissamut najoqqutassat, bus-it, aqqusinermilu angallanneq annertooq, kisianni aamma qaqqat kusanangaartut pikkunartorsiorfiupput. Aammattaaq illoqarfimmi inuppalaaq maluginiagassaavoq. Nunatta inuttaasa pingajorarterutaat maani najugaqarput, illoqarfillu alligaluttuinnarluni, isuaniit isuanut 10 km sinnerlugu annertussuseqarluni.

Nuummi tamanut misigisassarsiorfigilluarneqarsinnaavoq; pinngortitamik nuannarinnittunut, oqaluttuarisaanermut nuannarinnittunut aammattaaq nunami illoqarfiit pingaarnersaannik nuannarinnittunut. Uani aamma periarfissaqarpoq ikinngutit ilaquttallu tikeraarnissai kulturisiornissarlu; Nunatta Katersugaasivia Nuummilu Eqqumiitsulianik Saqqummersitsitsivik ukioq tamaat ammasarput, aammattaaq illoqarfitoqaq takusagassaqqissuulluni.
Arlalinnik neriniartarfeqarpoq, Café-qarpoq imerniartarfeqarlunilu, periarfissaqarluarlunilu juullimut tunissutissanik allanillu Nuuk Center-imi pisiniarnissaq. Katuap nittartagaani takusinnaavatit Nuummiinnerni arlaannik pisoqassanersoq; nipilersornerit, film-it imaluunniit isiginnaartitsinerit.

Illoqarfiup qeqqani HHE Express-imi najugaqassaatit. Init iluarluartut tv-qarlutillu wifi-qarput.

Misigisassaasinnaasut!

  • Nuuk Center-imi pisiniarfipparujunnilu allani pisiniarneq
  • Katuami katersugaasivinnilu kultur-isiorneq
  • Neriniartarfiit Café-llu arlallit
  • Timersornermut tunngasunik pisussat
  • Ikinngutit ilaquttallu pulaarlugit!

Angalanissamut ilaapput

  • Sisimiuniit Nuummut utimullu timmisartorneq
  • HHE Express-imi unnuinerit sisamat, immikkut uffarfittalimmi, nerinertaqarani
  • Akitsuutit ullumimut nalunaarsorneqarsimasut tamaasa
Ullormut pilersaarutit
Ulloq 1 Sisimiuniit Nuummut timmisartorneq unnuiffissamullu inissinneq

Nuummut tikikkuit mittarfimmiit illoqarfimmut bussissaatit, hotel-ip silatinnguani unittussamut.

HHE Express, marlunnik ullorialik illoqarfiup qeqqani Aqqusinersuarmi inisseqqavoq. Maanngaanniit illoqarfimmiittut pisiniarfiit neriniartarfiillu arlaliusut qanissavatit.

Ulloq 2-4 Nuummiinneq

Ulluni tallimani Nuummiinnerni periarfissaqarluarpoq. Illoqarfiup qeqqaniittumut Katualiarsinnaavutit, taassumalu sanianiilluni pisiniarnissamut periarfissarpassuit. Tassanngaanniit illoqarfitoqaq takusarsinnaavat, eqqaamallugulu aamma Nunatta Katersugaasivia takusarnissaa, tassani takusinnaallugit Qilakitsormiut timit paniinnarnikut. Timit paniinnarnikut paarilluangaarmata soorlulu piffissaq taamanimiit uniinnarnikoq. Sapaatikkut Nunatta Katersugaavianut iserneq akeqanngilaq.

Nuummiinnerni aamma innersuussinnaavarput Nuummi Eqqumiitsuliortut Saqqummiivianut takusaanissaq. Tassani takuneqarsinnaapput nunatsinnik qalipaasimasoq tusaamasap Emanuel A. Petersen-ip (1894-1948) qalipatai. Ukiup ingerlanerani ammasarfiit assigiinngissinnaammata nammineq misissussavatit Nuummiinnerni ammasarfiit qanoq innersut.

Pinngortitaq nuannarisuugukku Nuup eqqaani pisuttuarnissamut periarfissat arlaliupput.

Amerlanerusugut nunatsinneersut ikinnguteqarpugut ilaqutaqarlutalu Nuummut nuunnikunik, immaqa suliffiit peqqutaallutik. HHE Express-imi imikkut najugaqaatigalutit periarfissaqarluarputit nalunngisarnut pulaaqattaalaarnissamut.

Unnukkut nerinissamut neriniartarfinnik arlalinnik periarfissaqarluarpoq. Katuamilu arlaannik pisoqartoqassanersoq, nipilersortunik imaluunniit takutitsisunik, aamma misissorniariuk.

Ulloq 5 Timmisartorluni angerlarnissat Nuummiit Sisimiunut

Ullut tallimat nuannersut naalerput angerlarnissarlu tullinnguulluni.

Saaffigitigut akinik paasiniaallutit.

Neqeroorutigut nunatsinni illoqarfinni tamaniit sananeqarsinnaapput! Saaffigitigut akinik paasiniaallutit.

Angalaneq normu 2025
Juni-September
Ullut tallimat
Sisimiuniit aallarneq
Immikkut angalaneq

Paasissutissat naleqquttut

Angalanermi ilaanngillat
Nerinerit
Malugiuk: Ullaakkorsiorneq ullormut kr. 80-lik pisiarineqarsinnaavoq
Angalanermut sillimmasiinerit

Nassatassat nassarneqarsinnaasut
Tunniussassat 20 kg tigummiagassallu 8 kg (tigummiat annerpaaffigisinnaasaa: 55 x 40 x 23 cm).

Angallarluttut kaassuartakkamiittullu
Ajoraluartumik angalaneq angallarluttunut kaassuartakkaniittunullu naleqqutinngilaq. Angalaarnerit Nunatta Angalatitsivianit aaqqissuussat ajornassutsimikkut angalasunut angallarluttuunngitsunut naatsorsuussaapput. Kissaataasoq naapertorlugu angalasup pisariaqartitaa eqqarsaatigalugu, angalanerup piukkunnassusaa pillugu paasissutissiinissatsinnut soorunami piareersimavugut. Maluginiaruk nakorsaanermut tunngasutigut siunnersuinissamut piginnaasaqannginnatta, illit angallarluttutut Nunatta Angalatitsivianik oqaloqateqarneq tunngavigalugu angalanissaq una toqqarukku, nammineq akisussaaffigissavat.

Nunagisaq qimannagu Kalaallit Nunaanni sulinngiffeqarneq - staycation

Angalanerinnanngitsunik aammali toqqissisimanermik tuniniaagaqarpugut. Kalaallit Nunaannik immikkut ilisimasaqarpugut, nunalu avannaaniit kujataanut ilisimalluarlugu. Taamaatumillu sullitagut toqqissisimatilluartuarpagut. Aqqutaa tammaat.

Apeqqutissaqarpit? Angalatitsinermut immikkut ilisimasalittatta ilaannut saaffiginnigit.

Angassaguit uagut aqqutigaluta inniminniigit. Angalanissannik pilersaaruit allaffigisigut, periarfissarsiussavatsigit. Aamma 701107-mut sianernissamut tikilluaqquatsigit.