Angalanermut sillimmateqarlutit angalanerit isumannaatsuutiguk
Angalanermut sillimmasiissutit eqqortut nassakkit
Kalaallit Nunaat qimassagukku erngerlutit angalanermut sillimmasiissutivit isumannaarnissaat pingaaruteqarpoq. Nunami allamiinninni angerlarnissamik, napparsininni ikiorneqarnissamik, eqqartuussissuserisumit ikiorneqarnissamik allarpassuarnillu tassanngaannartumik pisariaqartitsileruit akilerneqarnissaannut angalanermut sillimmasiissutinik eqqortunik nassarnissat qulakkiissavarput.
Nunatta Angalatitsivianni Europæiske Rejseforsikring suleqatigalugu angalanermut sillimmasiissutinik neqerooruteqartarpugut. Nammineerlutit angalassaguit sillimmasiissutit uku pisiarissagitit inassutigaarput.
Taamaatitsinissamut sillimmasiissut
Napparsimasoqarnerani taamaatitsinissamut sillimmasiissut ilaquttani qaninnerpaani tassanngaannartumik napparsimasoqartillugu toqusoqartilluguluunniit matussusiisarpoq. Sillimmasiissut angalanissamik pisinermi imaluunniit aallarnissaq qaammammik ataatsimik sioqqullugu pisiarineqassaaq. Sillimmasiissut angalanerup nalingata 6%-ianik akeqarpoq. Billetsip pisiarinerani ilanngullugu pisiarineqassaaq.
Kingusinaarluni takkunnermut/aallarfissap allanngorneranut sillimmasiissut
Timmisartuutileqatigiiffik alla atorlugu ingerlaqqissaguit, qimuttuitsunik angalassaguit imaluunniit allatut iliorlutit nal. ak. 24-t iluanni ingerlaqqissaguit, taamaattumik sillimmaseeqqullutit Nunatta Angalatitsivianniit inassuteqarfigissavatsigit. Sillimmasiissut kinguaattoornerit pissutigalugu aallarfissat angumerinngikkukku timmisartumut billetimut nutaamut immaqalu unnuinermut matussutaassaaq. Sillimmasiissut matussisiisinnaassappat angalaninni piffissat akunniffissat pisariaqartut malinnissaat pingaaruteqarpoq. Taakku soorunami isumagissavavut. Tamannarpiaq pissutigalugu aatsaat angalanissat tamarmiusoq uatsinni pisiarigukku sillimmasiissut una uatsinni pisiarisinnaavat. Inummut ataatsimut akit 79 koruuniniit aallartipput. Billetsip pisiarinerani ilanngullugu pisiarineqassaaq.
Angalanermut sillimmasiissutit
Nammineerlutit nunanut allanut angalassaguit, aammaluunniit Danmarkiliaannassaguit sillimmaserluarsimanissat pingaaruteqarpoq. Angalanermut sillimmasiissutit assigiinngitsut assigiinngitsunut matussutaasussat pigaavut. Angalanissat Nunatta Angalatitsiviannut inniminnerukku, tamatuma peqatigisaanik angalanermut sillimmasiissutinik eqqortunik toqqaanissamut siunnersorneqassaatit. Kingusinnerpaamik angalaffissaq ullormik ataatsimik sioqqullugu pisiarineqassaaq.