Københavnimi sinilluarit

Ini pitsaasoq qaninnersiorfigiuk

Pisarissersuutit qaangiinnarlugit najorusutanni unnuinissat qulakkeeruk. Akunnittarfiit ilisimavavut – aamma qallikkut takusinnaasat nittartakkallu kusanartorsuit tunuini pissutsit – aamma aningaasaatitit atorlugit sumi pissarsinerpaasinnaanersutit ilisimavarput. Taamaattumik akunnittarfik isummannut aningaasivinnullu naleqqulluinnartoq ilinnut inniminnersinnaavarput.

Kalaallit Nunaanni, Danmarkimi nunanilu allani akunnittarfinnut attavippassuavut atorlugit sumulluunniit angalagaluaruit atugassaqarluarnissannik neriorsorsinnaavatsigit. Inissiffigisinnaasannik isumassarsiaqaruit kissaateqaruilluunniit naammassisinnaavarput – akillu pitsaanerpaanissaannik qulakkeerissussinnaavatsigit.

Københavnimi sinilluarit

Københavnimi akunnittarfiit amerlanersaat suleqatigaavut, aammalu sullitatta kissaataat aallaavigalugit pileriginerusatsinnik toqqartuisimavugut. Nammineerluta akunnittarfinni illoqarfimmi qiterpasinnerusumiittuni aammalu naammaginartunik akilinni najugaqarnissarput piumanerusarparput, taamaattumillu taakkununnga neqeroorfigerusuppatsigit. Kissaatitit aningaasiviillu malilluinnarlugit akunnittarfimmi unnuisinnaavutit

Akunnittarfinni pitsaasuni toqqarneqartuni akit pitsaasut

Københavnimi illoqarfiup akunnittarfiisa pitsaanerpaat ilaannik suleqateqarpugut, taamaattumillu pilerinartumik unnuiffissaqarnissat tamatigut neqeroorutigisinnaavarput. Uagut sullitattalu pileriginerpaasaasa ilagaat Clarion Hotel Copenhagen Airport, Crown Plaza aamma Bella Sky.

Bella Sky-imi – nunani avannarlerni akunnittarfiit annersaanni – najugaqarit

Nunani avannarlerni akunnittarfiit annersaanni Nunatta Angalatitsiviat peqatigalugu akigissaartumik najugaqarit. Bella Sky Ørestaden-imi Bella Center-ip aamma Fields-ip, metro-mut, minutsit qulit inorlugit Københavnip qeqqanut toqqaannartumik aqqutaasumut ungasinngitsut eqqaanniippoq. Isikkivigissumiikkusukkuit eqqorluinnartumut inissinneqarnissannut ikiussavatsigit. Init portussusaat malillugit akit assigiinngitsut atorneqarput.

Bella Sky-mi init immikkut ilusilersukkat 812-it, ataatsimiittarfiit isumasioqatigiiffiillu iluarsineqarsinnaasut 30-t, init quleriit 23-t, neriniartarfiit pingasut, imerniartarfiit marluk, wellness-eqarfik spa-qarfillu, internet ledningeqanngitsoq akeqanngitsoq allarpassuillu pigineqarput. Akiliillutit uumasuutit nassarsinnaavat.

Angalanissanni tullermi Nunatta Angalatitsiviat aqqutigalugu nunatsinni akunnittarfiit annersaannut inniminniigit. Akunnittarfik ilisimalluarparput, aammalu immikkut kissaateqaruit inimik toqqaaniarninni ilitsersuussinnaavatsigit.

Crown Plaza-mi nersornaasigaasimasumi atortut mingutsitsinngitsut atorlugit najugaqarit

Crown Plaza Copenhagen Ørestaden-imiippoq, metro-mut qanittumiilluni. Minutsit qulit inorlugit atorlugit København qeqqa tikissinnaavat. Akunnittarfik uteqattaartartunik busseqarpoq, ilinnut mittarfimmut mittarfimmiillu toqqaannartumik angallassisinnaasumik.

Akunnittarfik avatangiisinut mingutsitsinngitsunik atortoqarpoq, aammalu illu taluisa annersaat seqernup qinngornerinik innaallagissiuutinik qalligaapput, inini atortut pinngortitami arrorsinnaapput, pequtit immikkut ilusilersugaapput aammalu kiffartuussineq tamaat isigalugu pitsaalluinnartumik qaffasissuseqarluni.

Crown Plaza Copenhagen-ip akunnittarfittut inuppalaarnerpaamik kiffartuussinissamillu pitsaanerpaamik pissuseqarnissaq anguniagaraa, angalanernullu siunnersortivut malillugit tamanna iluatsilluartorujussuuvoq. Nunatta Angalatitsiviat aqqutigalugu Crown Plaza-mut inniminniigit – taamaalioruit aningaasaatitit atorlugit pitsaassusilinnik misigisaqassaatit!

Clarion Hotel Copenhagen Airport – mittarfik qanillugu inississaguit

Kalaallit Nunaannut nunarsuarmiluunniit allamut ullaaralaakkut makillutit timmisartussaguit, matukkut aniinnassaatit – taava mittarfimmut apuutissaatit. Clarion Hotel Copenhagen Airport-imiinnermit allamik ajornannginnerusoqanngilaq.

Akunnittarfimmi spa tamanik kiffartuussiviusoq, fitness center, internet ledningeqanngitsoq sukkasooq aamma tikeraanut init 382-it pigineqarput. Metro aamma nunap immikkoortuani qimuttuitsut minutsit 15-it atorlugit Københavnip qeqqanut ingerlasarput – imaluunniit utimut ingerlasunut ikigit: Imaaliallaannaq Malmø-mut apuutissaatit!

Akunnittarfimmiit kamippatit masatsinnagit mittarfimmut, metro-mut qimuttuitsullu unittarfiannut nunap iluaniittumut ingerlasinnaavutit. Nunatta Angalatitsiviat aqqutigalugu Clarion Hotel Copenhagen Airport-imut inniminniigit, isumagisassatit ikinnerulissapput.

Wakeup Copenhagen Borgergade – ilusiliineq qitiutillugu akikitsoq

Borgergadimi Wakeup Copenhagen tassaavoq Københavnip qiterpiaani akunnittarfik akikitsoq. Akunnittarfittut Copenhagen Islanditut Wakeup akunnittarfik qallunaamit illussanik titartaasartumit tusaamasaasumit Kim Utzonimit ilusiligaavoq. Akunnittarfik Borgergadimippoq taamaammallu isiginnaartitsisarfissuarmut Det Kongelige Teaterimut, Nyhavnimut, illoqannginnersanut arlalinnut pisiniarfissarpassuarnullu qanittumiilluni.

Borgergadimi Wakeup Copenhagen tassaavoq Københavnip qeqqani unnuiffissamik akikitsumik ujaasisunut tamanut toqqagassatsialak. Akunnittarfimmi pitsaassutsitut marlunnik ullorialikkatut akiliillutit pingasuniit sisamanut ullorialkikkatut ittumik misigisaqassaatit.

Borgergadimi Wakeup TV-kkut isiginnaarutilinnik, allaffilinnik, silaannarissarfilinnik akeqanngitsumillu internetsernissamut wi-fi-ilinnik 498-inik initaqarpoq. Metromut minutsit tallimat pisuttariaavoq, Mittarfimmullu ingerlaneq minutsinik 13-inik sivisussuseqarluni. Init assigiinngitsut marluk neqeroorutigaagut:

WAKEUP STANDARD – Ini pitsaalluinnartoq, akunnittarfiup initaani allerniikkajuttoq tunuaniikkajuttorluunniit.