Isumaginninnermut akisussaaffeqarneq
Nunatta Angalatitsiviat tamatigut inuiaqatigiinnut akisussaaffeqarluni iliuuseqartarpoq, aammalu inuiaqatigiit avatangiisivut isumagisarpavut. Maanna alloriaqqinnissarput kissaatigaarput, aammalu inuiaqatigiinnut kalaallinut iluaqutaasumik Kalaallit Nunaanni sullissisunut allanut attaveqarnernik sivisuumik atuuttussanik nalinginnaanngorsagaanerusunillu suli annerusumik ineriartortitsinissamut immitsinnut pisussaaffilerpugut.
Nunatta Angalatitsiviat Kalaallit Nunaanni angalatitsivinnit kalaallinit pigineqartunit kisiartaavoq – tamatumalu peqatigisaanik angalatitsivinnit Nuummi, Sisimiuni Ilulissanilu najuuttunit annersaavugut. Taamaattumik Kalaallit Nunaanni sorlanivissimavugut. Tamanna pisussaaffiliivoq kajumilersitsillunilu.
Air Greenland, ingerlatseqatigiiffipput pingaarneq, 2010-mi ”FN Global Compact”-imut ilaalerpoq, Air Greenlandillu inuiaqatigiinnut akisussaaffeqarnermut politikkia Air Greenlandiinnarmut atuutinngilaq, aammali suliffissuup piginneqatigiiffiutaanut atuuppoq, taakkununngalu Nunatta Angalatitsiviat ilaavoq. Tassalu suliffeqarfittut FN-imi Global Compact-ip imaanik naammassinninnissamut pisussaaffeqarpugut. Global Compact imartuvoq, tassanilu ilaatigut inuit pisinnaatitaaffii, avatangiisinut akisussaaffeqarneq, pinerlunnissamut akiuiniarneq il.il. pineqarput.
Allannguinissarput kissaatigaarput
Inuiaqatigiinni kalaallini suleqataalluarnissarput tapersersuinissarpullu kissaatigaarput, taamaattumillu suliassaqarfinni pingaarnerni pingasuusuni – inunnut ataasiakkaanut inuiaqatigiinnullu tamarmiusunut allannguiffigisinnaasatsinni – immikkut suliniuteqarniarluta aalajangersimavugut:
- Meeqqat inuusuttullu
- Ilinniartitaaneq
- Najukkani pisiniartarneq
Kalaallit Nunaata tamarmiusup angalatitsivigaatigut – tamanna pisussaaffiliivoq kajumilersitsillunilu!
Sunniuteqarpugut
Nunarput nunarsuarmi tupinnaannartut ilagiuassappassuk akisussaassuseqarneq isumatusaarnerlu piumasaqaataapput. Nunatta Angalatitsivia aqqutigalugu angalanissaq toqqarukku nunatsinnut tapersersueqataassaatit.
Ilinniartitaaneq
Nunatta Angalatitsivia nunatsinni inuusuttunik isumaqatigiissusiornikkut ilinniartitaanerni sulinermillu sungiusarfinni piginnaasanik ilinniarnissamut inerisaanissamullu ikiuuppoq. Sulinermi misilittakkanik pisarialinnik qulakkeereqataanissaq kissaatigaarput taamaammat atsioqatigiilluni ilinniartitaanissamut ilinniarfissamik ataavartumik minnerpaamik ataatsimik pilersitsivugut. Tamatuma saniatigut sapinngisarput tamaat sulinermik sungiusartunut, sulinermik misiliinissamut periarfissiinissamik neqeroorniarpugut.
Tapersiinissamik isumaqatigiissutit sunniutillit
Nunatsinni najukkani meeqqanut inuusuttunullu suliniutit sunniutillit Nunatta Angalatitsivianit tapersersugaraagut. Tapersiinissamik isumaqatigiissuteqarfigisatsinnut piumasaqaateqarpugut, taamaammat suliniutit nassuiaatitaasa pitsassiartornerat ilutigalugu naliliisinnaassuserput pitsassiartussaaq. Makku tapiiffigisarpagut:
- Nunatsinni suliniutit/sammisat
- Sammisat meeqqanut inuusuttunullu amerlanerpaanut sunniuteqartut
Maluginiaqqusaq: Makku tapiiffigisanngilagut:
Sapinngisamik amerlanerpaat tapersiinissamik isumaqatigiissutitsinnik iluaquserneqarnissaat kissaatigigatsigu, inuit ataasiakkaat suliniutaannut tapiisanngilagut. Inunnut ataasiakkaanut, suliffeqarfinnut, peqatigiiffinnut imal. pisortat suliffeqarfiinut tunngatillugu angalanernut, billitsinut, nassatanik angallassinernut, akunnittarfinni unnuinernut assigisaannullu tapiisanngilaguttaaq.
Tapersiinissamik isumaqatigiissummut tunngatillugu imaaliussaatit
Peqatigiiffiugussi arlaliugussiluunniit qulanni pineqartumut naleqquttunik suliniuteqartut, taava ugguuna allafigisigut: marketing@greenland-travel.dk. Suliniut sapinngisamik pitsaanerpaamik- tapersiinissamik isumaqatigiissutip annertussusisaatut naatsorsuutigisaq ilanngullugu- nassuiarsiuk. Qinnuteqaatip siusissukkut minnerpaamillu qaammatit marluk sioqqullugit nassiunnissaa eqqaamajuk.
- Qinnuteqaatissi siusinaartumik sammisaqanissarlu minnerpaamik qaammatinik marlunnik sioqqullugu nassiussiuk
- Tapersiinissamik isumaqatigiissutip aningaasanngorlugu allatulluunniit kissaatiginera oqaatigiuk
- Suliniummi aningaasaqarnermut pingaarnertut akisussaasup kinaanera allaguk
- qinnuteqaatit tuninianermut immikkoortortatsinnut ugguuna nassiuguk: marketing@greenland-travel.dk