SULIFFINNUT ATATILLUGU ANGALANERIT ILISIMASAQARLUARFIGAAGUT AQQUTAA TAMAAT TOQQISSISIMATISSAVATSIGIT AIR GREENLANDIP NUNATTALU ILAGAATIGUT

Kangerlussuarmi misigisassarsiorneq

Sermersuup ungasinngisaani ulluni sisamani, tamaasa akilereerlugit

CORONAQARNERANI AKIKILLISAGAQ! Paasissutissat ataani takukkit.

Neqeroorutitut nutaatut Kangerlussuarmut ulluni sisamani angalanermi sermeq sikulu assiginngitsutigut misigissavatit – minnerunngitsumik Sermersuarmut qaqineq. Aamma Russell Gletsjerimi barbecue misilissavat, sikumi aalisarlutit, qimusserlugit aammalu iluatitseriarutta umimmannik tuttunillu takunnissaatit.

Kangerlussuaq ilorpasissumi nunap timaaniimmat silaannaa unerisimasuuvoq. Tamannalumi aamma qanga Amerikkamiut tassanerpiaq mittarfiliornerannut peqqutaavoq. Pisuttuaruillu assigiinngitsorpassuit taamanernisat siumussavatit. Kangerlussuup eqqaa aqqusinerpassuaqarppoq, namminerlu tamakku angalaarfigisinnaavatit. Nunaqarfik amerikkamiut sunniutigisimasaannik takusassalik, kuussuaq, qaqqat – soorunalumi Sermersuaq.

Kangerlussuarmi katersugaasiveqarpoq, arlalinnik niuertarfeqarluni aammalu niuertarfissuaqarluni, tulluussimaarutigineqartorlu aamma una pigaa, golfertarfik ’qulingiluanik putulik’, 9-hullers golfbane. Ajuusaarnartutuaavoq Kangerlussuarmiinnerpit nalaani taanna apummit qalleqammat takusinnaanaviannginnakku, soqutaanngilarli, allarpassuanik pisassaqarmat.

Angalaneq taanna tamaasa akilereerlugit angalaneruvoq (all-inclusive), nerisassanillu nerilluataarnerit Restaurant Roklubbini pissapput.

Pisussat pingaarnerit!

  • Sermersuarmi pisunneq
  • Qimusserneq
  • Sikumi aalisarneq
  • Russell Gletsjer-imi barbecue, silami grillerineq
  • Umimmannik, tuttunik ukallinillu takusassarsiorneq
  • Nerisassat akimut ilaareerput (imeruersaatit minillugit)

Angalanissamut ilaapput

  • Timmisartumik Nuummiit – Kangerlussuarmut uterlugulu
  • Polar Lodgemi unnuinerit pingasut (uffarfik perusuersartarfillu marluussat)
  • Tikilluaqqusilluni ataatsimiinneq
  • Businut ilaalluni takusassarsiorneq
  • Sermersuarmut Punkt 660-mut angalaarneq Russell Gletsjerimilu Barbecue
  • Qimusserneq
  • Sikumi aalisarneq
  • Ullaakkorsiorneq
  • Akimut ilaareerluni nerisaqarneq
  • Nassatat tunniussassat 20 kg, namminerlu tigumiat 6 kg
  • Akileraarutit akitsuutillu tamakkiisut, ulloq manna tikillugu Nunatta Angatitsivianut paasissutissiissutaareersut
Ullormut pilersaarutit
Ulloq silulleq: Timmisartumik Nuummiit Kangerlussuarmut, paasissutissiilluni ataatsimiinneq, takusassarsiorneq nereqatigiinnerlu

Nuummiit Kangerlussuarmut Air Greenlandimut ilaassaatit. Tikikkuit illoqarfimmi suleqatitta Polar Lodge-mut mittarfiup eqqaaniittumut inissinnissannut ikiussavaatit.

Tikilluaqqusilluni ataatsimiinneq takusassarsiornerlu
Tikilluaqqusilluni ataatsimiinnermi ulluni tulliuttuni pisussanik aammalu periarfissarpassuarnut allanut paasissutissiisoqassaaq. Ataatsimeereernermi illoqarfiup avataatalu takornariarnissaa tullinnguutissaaq, tassa buserluta takusassarsiussagatta.

Unnukkorsiorluni nerisarnerit Restaurant Roklubben-imi pisassapput
Ulloq pisoqarfioqisoq naalerpat nerilluataassaagut. Restaurant Roklubben mittarfimmiit ungasissusilimmi tatsip Lake Fergusonip sinaaniippoq. Nerinerup kingorna Polar Lodgemut businik ingelanneqassaatit, ullunilu tulliuttuni marlunni pisut taakku aamma pisassapput. Roklubben immikkoorluni inissisimavoq, imaassinnaavorlu arsarnernik takususi.

Ullut aappaat: Sermersuarmut Punkt 660-mut ingerlaarneq, Russell Gletsjerimilu Barbecue

Ullumi Sermersuarmi Punkt 660-mut ingerlatissavatsigit, tassanilu sermimi metererpassuarnik issussusilimmi pisoqaasorujussuarmilu qeqassaatit! Nunatta 80 %-ia sinnerlugu sermersuarmit qalleqqavoq, nunarsuarmilu allami, Sikuiuitsoq Kujalleq eqqaassanngikkaanni, piffimmi ataatsimi taamak sikoqartigisoqanngilaq.

Sermersuaq illoqarfimmit 30- kilometerinik ungasissuseqarpoq , avatangiiserlu kusanartoq allanngorartorlugu aqqusaarlugu, biilersuit immikkut sanaat atorlugit ingerlanneqassaasi. Sermersuup sinaanut pigutta sermiinnarsuup kusanangaartup tungaanut pisussaagut. Oqarsinnaavugullu puigugassarinngisannik misigissasutit. Oqortunik atisaqarnissat eqqaamassavat, Sermersuarmiinneq nillertukasiusinnaammat.

Sermimi angalaareernermi kissartumut isernissaq iluassaaq. Utimut ingerlalaariarluta saamimmut sangussaagut tassaniipporlu Russell Gletsjer. Taannalu kusanassutsini sermiinnarmillu iigaqarnini tusaamasaassutigaa.

Sermimi aajuitsumi tassani barbecuerluta nuannisassaagut. Misigisaq imaannaanngitsoq, ilimanarporlu neriitigalugit eqqarsassasutit, qangamita kingullermik taamak isikkivigitsigisumiikkama.

Ullut pingajuat: Qimusserneq sikumilu aalisarneq

Ullumi Kangerlussuarmiiginnarnissat toqqarsinnaavat, innersuussutigisinnaavarput ullormi ataatsimi atugassannik imalimmik nammattagaleriarlutit nunamut pisummik angalaarnissaq. Periarfissarpassuaqarpoq. Akunnittarfiup tunuani qaqqamut majuaruit isikkivissuaq takussavat, aamma kuuk qorlortulik pisummik orninneqarsinnaavoq.
Aamma angallassisulerluni qaqqamut granatfjeldimut pisuttuartoqarsinnaavoq, biileriarluni aqqutaata sinnera pisulluni. Qaqqamilu granatit (aatsitassat) ersiinnarput. Kaataq qussaatarlu atorlugit angerlaassassannik peersisinnaavutit. Tamatigorluinnaq iluatitsisoqartarpoq.

Qimusserneq
Kangerlussuarmiinninni ullut pingajuanni qimusserneq misilissavat, Qaasuitsummi killingata avannaaniipputit. Umiarsualivimmut biiliunneqariarlusi qimussiussisulerluni kangerlukkut sikusimasukkut qimussissaasi. Qamutit perlaavisa sikukkut ingerlaarnerisa nipaat eqqissinartarpoq. Motoorerpalunnani isikkivingaarlunilu. Qimmillu qimuttut iluarusunneri isigalugit nuannertaqaaq, atorneqarnertik nuannaralugu kangerlukkut sikuusukkut ingerlaarneq nuannarigaat malunnartaqimmat. Qimuttut suleqatigiilluarlutik qimuttarput. Aqqutaa qiteqqukkussiuk unillatsiassaasi, qimussiussisullu qanoq qimussertarnermik qimmillu qanoq paarineqartarnerinik oqaluttuutissavaasi. Nal.ak. marluk qimussernerup akianut ilaapput atisanik amernik, kamippassuarnik oqortunik issimut akiuulluarsinnaasunik, atorneq.

Sikumi aalisarneq
Umiarsualiviup tungaanut 13 km biileriarluta tassanngaanniit aalisarfissaqqissumik ujaaseriarluta inississaagut. Silaannarlu nilleqimmat oqorsarluarnissaq pinngitsuugassaanngilaq. Sikumut qillerussuarmik kangerluup sikua putoreerutsigu aalisariaannanngussaagut. Ningittakkat oqummersallit sikumi putukkut ningissavagut, aalisaallu nusullattaarlugu aalisarujuussaagut. Uugarpassuaqartarpoq. Aalisarnitsinni angallassisutta aalisariat allannat nalaattagaannik oqaluttuutissavaatigut, kissartortortillutalu.

Ullut sisamaat: Timmisartumik Kangerluussuarmiit Nuummut

Ullumi sap.ak. naanerani misigisaqarluareernerup kingorna Nuummut utissaagut.

Akia, inimi marluuttarissami kr. 9.259.

Coronaqarnerani akikillisaatit peerneqassapput
Inimi marluuttarissami inummut ataatsimut: AKIKILLISAAT: 1.625 kr.
Inimi kisermaattariami inummut ataatsimut: AKIKILLISAAT: 2.375 kr.

Angalaarnissat aaqqissuussagut Kalaallit Nunaanni illoqarfinnit tamanit aaqqissuunneqarsinnaapput. Allallutit sianerlutilluunniit akinik paasiniaagit.

Angalaneq nr. 2020

Martsimiit apriilip naaneranut atuuppoq

llut sisamat

Nuummiit aallarluni

Inuttut ataasiakkaatut, angalaqatigiittuunngitsoq, angalaneq

Paasissutissat naleqquttut

Akimut ilaanngillat
Sillimmasiissutit

Nassatassat nassarneqarsinnaasut
Tunniussassat 20 kg tigummiagassallu 8 kg (tigummiat annerpaaffigisinnaasaa: 55 x 40 x 23 cm).

Angallarluttut kaassuartakkamiittullu
Ajoraluartumik angalaneq angallarluttunut kaassuartakkaniittunullu naleqqutinngilaq. Angalaarnerit Nunatta Angalatitsivianit aaqqissuussat ajornassutsimikkut angalasunut angallarluttuunngitsunut naatsorsuussaapput. Kissaataasoq naapertorlugu angalasup pisariaqartitaa eqqarsaatigalugu, angalanerup piukkunnassusaa pillugu paasissutissiinissatsinnut soorunami piareersimavugut. Maluginiaruk nakorsaanermut tunngasutigut siunnersuinissamut piginnaasaqannginnatta, illit angallarluttutut Nunatta Angalatitsivianik oqaloqateqarneq tunngavigalugu angalanissaq una toqqarukku, nammineq akisussaaffigissavat.

Nunagisaq qimannagu Kalaallit Nunaanni sulinngiffeqarneq - staycation

Angalanerinnanngitsunik aammali toqqissisimanermik tuniniaagaqarpugut. Kalaallit Nunaannik immikkut ilisimasaqarpugut, nunalu avannaaniit kujataanut ilisimalluarlugu. Taamaatumillu sullitagut toqqissisimatilluartuarpagut. Aqqutaa tammaat.

Apeqqutissaqarpit? Angalatitsinermut immikkut ilisimasalittatta ilaannut saaffiginnigit.

Angassaguit uagut aqqutigaluta inniminniigit. Angalanissannik pilersaaruit allaffigisigut, periarfissarsiussavatsigit. Aamma 701107-mut sianernissamut tikilluaqquatsigit.