SULIFFINNUT ATATILLUGU ANGALANERIT ILISIMASAQARLUARFIGAAGUT AQQUTAA TAMAAT TOQQISSISIMATISSAVATSIGIT AIR GREENLANDIP NUNATTALU ILAGAATIGUT

Sisimiuni misigisassarsiorlunilu qasuersaarneq

Sisimiut – Arsarnerit ukiullu nunaat

CORONAQARNERANI AKIKILLISAGAQ! Paasissutissat ataani takukkit.

Kalaallit Nunaanni pisoqarfiulluartumut angalaqatigisigut! Ilaatigununa najugaq qimalaarlugu nukatsitaalaarneq iluartartoq. Aalajangeriarluni misilissimanngisanik misiliilluni nuannisarujussuarlunilu. Sisimiunut angalanerup misigisassaqarfiulluartup tassunga periarfissippaatit.

Misigisassarsiorluni angalaneq
Sisimiut Kalaallit Nunaanni illoqarfiit annersaannut tulliusoq avatangiiserissaaqaaq, tassanimi apummi misigisassat tamarmik misigisassaappput. Sisorarneq, snescootererneq, qimusserneq, apummi pisuuserluni angalaarneq, qamutinik sisorarneq aammalu apummi assakaaneq. Aamma nunamut innarlutit talitit nissutillu atorlugit ’inngililiorusaarlutit’ arsarnernik isiginnaarsinnaavutit – Hotel Sisimiunullu uteruit naluusileriarlutit aneerasaartarfimmiittumut kinisimaartarfimut spa-mut kissartumut ikillutit illoqarfiup avatangiisai isiginnaarujoorsinnaavatit.

Angalanermi uani pisussat ilanngullugit pisiassami, ilaqutariillusi imaluunniit peeqqisarlutit nuannersumik misigisassarsiorsinnaavutit. Hotel Sisimiut suleqatigalugu pisussanik aaqqissuussarput ataani takusinnaavat, Kalaallit Nunaanilu pinngortitamut nuannerluinnartumut ulluni tallimani misigisassarsiornissamut periarfiarfissippatsigit, aamma arlaleriarlutit spa-mi kinisimaarsinnaarnissamut! Annerusumik minnerusumilluunniit timi atorlugu, kikkut tamarmik peqataaffigisinnaasaannik, pisassaqartitsisarnissaq pingaartissimavarput.

Pisussat pingaarnerit!

  • UTV-mik ukiuunerani nunamut angalaarneq
  • Qimusserneq
  • Marloriarluni issittumi Spa-mi kinisimaarneq
  • Snescooterinik angalaarneq
  • Apummi pisuuserluni nunap timaanut angalaarneq
  • Hotel Sisimiuni inuulluataarneq

Angalanissamut ilaapput

  • Timmisartorneq tikinnermilu assartorneqarneq
  • Nuummiit Sisimiunut s/u timmisartorneq
  • Sisimiuni angallanneqarneq
  • Hotel Sisimiuni inimi nammineq uffarfeqarlutinu perusuersartarfilimmi unnuinerit pingasut
  • Ullaakkorsiornerit
  • Tikilluaqqusilluni nereqatigiinneq
  • Tikilluaqqusilluni ataatsimiitinneqarneq
  • Buserluni illoqarfimmi takusassarsiorneq Qiviunullu pulaarneq
  • UTV-nik nunap timaanut ukiuunerani angalaarneq
  • Qimusserluni misigisassarsiorneq
  • Issittumi spa-mi kinisimaarnerit marluk
  • Snescooterintro og backcountrytur
  • Snescooterernermik misiliineq nunallu timaanut angalaarneq
  • Ukiumi nunap timaanut angalaarneq
  • Angalasut angalanissamut qulakkeerissutitut aningaasaateqarfiannut akiliut
  • Akileraarutit akitsuutillu tamakkiisut, ulloq manna tikillugu Nunatta Angalatitsivianut paasissutissiissutaareersut
Ullormut pilersaarutit
Ulloq siulleq: Nuummiit Sisimiunut timmisartorneq. Paasissutissiineq illoqarfimmilu takusassarsiorneq. Qiviuni pulaarneq

Angalaneq ullup qeqqata siorna Nuummiit Kangerlussualiarnermik aallartissaaq, tassanngaanniillu Sisimiunut ingerlaqqissaatit.
Sisimut Kalaallit Nunaanni illoqarfiit annersaata tulleraa 5.500-ngajannik innuttaqartoq (qimmit ilanngukkaanni 6.500). Sisimiormiunut ilisarnaataavoq piumassuseqarnerujussuaq, tamatumalu nassataanik illoqarfik pisoqarfiujuarpoq. Ukiut tamaasa pisartoq Arctic Circle Race tamatumunnga takussutissat ilagaat, Sisimiullu nunataani imminut misigisaqartilluarnissamut periarfissaqarluarpoq. Tamakkuuppullu ulluni sisamani tulliuttuni misigisinnaasavit ilaat.

Sisimiut tikinnermi hoteliliaanneqassaasi inissassinnillu tunineqarlusi. Ullullu tulliuttut qanoq pisoqarnissaanik paasissutissinneqassaasi.

Illoqarfimmi takusassarsiorneq
Paasissutissiinerup kingorna businut ilaallusi illoqarfimmut, qaqqarsuit akornanni qattunerasaartumi inissisimasumut, takusassarsiortinneqassaasi. Ilinniartoqarfiit, umiarsualiverujussuaq, KNI-p allaffeqarfia (Pisiffik aamma Pilersuisoq), katersugaasiviillu illuni nunasiaataanerup nalaaneersuneersunik illutaqartut – nasiffinnilu qanorsuaq assiliinissamut periarfissalinni unilaartarluta.
Illoqarfimmi takusassarsiornitsinni pisiniarfik Qiviut aamma alakkassavarput, pisiniarfik taanna nunarsuarmi siullerpaalluni immikkut illuinnartunik umimmaat qiviuinit tunisassiorneq ingerlatilerpaa. Umimmaat qiviui tassaapput qiviut nunarsuarmi kissalaarnerpaanut ilaasut – qituttuararsuullutillu.

Unnukkut hoteli neriniartarfimmi Nasaasaami tikilluaqqussutitut nereqatigiissitsissaaq.

Ullut aappaat: Qimusserneq issittumi spa-mi kinisimaarneq nunamullu angalaarneq

Ullumikkut pingasunik pissanganartunik pisussaqarpoq.

Qimusserluni misigisassarsiorneq (nal.ak. marluk)
Misigisassarsiorneq qimussimik pissaaq, qamutillu qimminik qimuttullit atorlugit aputaannakkut ingerlaarneq misigissavat. Sisimiuni inuunermut qimmit ilaaginnarput. Illoqarfik Kalaallit Nunaata kitaani qimmeqarfinni kujasinnerpaavoq. Sisimiut timaat tikikkuminartorsuuvoq, qanorsuarlu pinnguarfigineqarsinnaalluni – aasami ukiumilu. Maannakkullu ukiuummat qimmit iluarusullutik qanoq qimullaqqitsiginertik takutikkusuttaqaat.
Qimussernermi qimussiussisup qamutit saavini issialluni qimminik aqutsisup tunuanut ingitinneqassaasi. Qaqqap Niuujarfimmik taaguutillip ataanut ingerlaassaagut, tassanilu unillatsiariarluta assileerusuttullu assileereerpata illoqarfimmut utissaagut.
Qimusserneq qiianangaatsiarsinnaammat puisip amianik atisalianik attartornissamut innersuussinnaavassi. Attartorneq 150 kroneqarpoq, nalinginnaanngitsunillu atisaqarlusi assilisasi Facebookikkut Instagramikkullu qanorsuaq takusassiarisinnaassavasi.

Issittumi spa-mi kinisimaarneq
Hotel Sisimiut Kalaallit Nunaanni kisiartaalluni silami spa-mik kinisimaartarfimmik pigisaqarpoq, angalanermilu uani marloriarlutit misigissavat.
Silaannarmi nillertumiilluni imermi kissartumi kinisimaarnerup timimut qasuernassuseqarnera paasineqarsimavoq. Aak timikkut ingerlaarluartoq timip qinersiinik atorluaatitsilerluni timimik saliisarpoq, pilluaammisaarnermillu pilersitsilluni – ukiumilu silami naluusaannaaneq aamma nuannersoqarpoq, imermulli sukkasuumik ikinissat neriorsuutigaarput.

UTV-nik nunap timaanut angalaarneq (immikkut akiligassaq)
Ukiuunerani UTV-mik nunap timaanut angalaarneq qiianarpallaassanngilaq, qamutimmi iluaniilluni ingerlaartoqassaaq. Sisimiut timaat misigiassarsioqffigeqqissavat. Utimut ingerlanitsinni qattunertamut portusuumut unilaassaagut, tassanngaanniit Sisimiut immamullu Davisstrædimut isikkiveqarpoq. Kalitsilluni ingerlaarnerusussaammat ilinnit immikkut piumasaqaateqanngilaq, najummatserluarnissat eqqaassanngikkaanni, tassa kikkulluunniit peqataasinnaaput.

Angalaarnermi arlaleriarluta unissaagut, pinngortitamillu assiliinissamut periarfissaqarluassaaq.

Ullut pingajuat: Snescooterinik angalaarneq, Ukiumi pisuttuarneq aammalu arsarnerit ataanni issittumi spa-mi kinisimaarneq

Ullumikkunaasiit pisussat nuannerluinnartut pingasuupput.

Snescooterip atornissaanut ilitsersuussineq nunallu timaanut angalaarneq (nal.ak. 3)
Snescootererneq misilinnikuuviuk? Aatsaat misiliisussanut taanna tulluuppoq, snescooterernermummi ilitsersuussinermik aallartissaaq, misilittagaqarluartumullu ilaassaatit. Angallassisuit qanoq snescooterit atornissaannut ilitsersuutissavaatit, aqqummilu sungiusarfiusartumi misileeqqaassaatit.
Angalaarneq taanna hotelip snescooterertitsinerini nuannarineqarnerpaavoq, sunik tamanik misileraaffiugami. Aamma misilissavat isorartuumut, qummukajaakkut sivingavallaanngitsukkut snescooterillu aqqutaasigut kusanartukkut qaqqanut kusanarluinnartunut isikkiveqarlutit ingerlaarneq.
Snescootererfik qattunerasaarpoq ammukajaaqarluni qummukajaaqarlunilu. Silaannaaq nillataartoq aqqusaarlugu snescootererninni, pissanganarlunilu kiffaanngissusermik misiginerup saniatigut Davisstrædip tungaanut isikkivissuaq kusanangaartoq misigisassaavoq, saniatigullu Qerrortusup majoriaaniit nunamut ukiooqisumut isikkivissuaq alutornartoq aamma misigisassaavoq.
Angalaarnitsinni kissartortorlutalu tamululaarfigisatsinnik uninngalaasaagut, qanorsuarlu assiliinissamut periarfissaqassaaq.

Ukiukkut pisummik angalaarneq (nal.ak. 3, ilungersornassuserlu 3-uppat 2-mik nalilik)
Ukiukkut pisummik angalaarnermi aputikkut pisuutit atorneqassapput. Taakku atornissaat inersimasunut meeqqanullu ajornanngilaq, angallassisoqassagassilu aputikkoorutit ajaappissallu atornissaannik ilitsersuunneqassaasi. Kalaallit Nunaanni pisarnitsitut aputip qanoq innerata misissuutaa seqernup nuilernerata tungaanut ingerlassaagut. Aputeqassusaa apeqqutaatillugu aqqut pitsaanerpaaq atussavarput. Soorlu unaasinnaalluni:
Illoqarfiup imeqarfiata tungaanut, Arctic Circle Trail-ip naaneranut qanittumiittumut, ingerlassaagut. Aqqut ikaariarlugu qaqqamut Nilliasup tasiata, tatsit illoqarfimmut imermik pilersuisut marluusut aappaata tungaanut ingerlassaagut. Taseq sikuuvoq taannalu ikaarlugu qattuneq, itsarsuarli sermip aajuitsuusimasup ajattarlugu pilersitaa, atuarlugu immap tungaanut ingerlaassalluta.
Tamatuma nalaani teriannissat ukallillu takussaasarput, taakkulu tussarlugit sisii inaaluunniit siumorsinnaassavagut. Qanoq aputeqartiginera apeqqutaatillugu sermip aakkiartornermi kigartugaanit nunap ilusilersorneqarnera takusinnaassavarput.
Nunatap aqqusaakatta naanerani immap ulittarneranit tinittarneranillu pilersitamut sermimut isikkivik immallu qaararnera isiginnaarujoorsinnaavat, Davisstrædip kusanaqisup tungaanut sinerissamullu Sisimiut kujaani Qaasuitsup killeqarfinut isikkiveqarluta. Tassani pisariaqartumik unillatsiassaagut, tumannguersaaserlutalu. Utimullu aallanngitsinni assiliinissamut periarfissaqassaaq. Utimut qattornup aappaatigoorluta Sisimuni langrendertarfiit tungaannut ingerlassaagut, Hotel Sisimiunullu apuutinnginnitsinni Spejdersø, taseq ukiuunerni pisunut qitiulluartarpoq, tikiffigissavarput.

Arsarnerit ataanni issittumi spa-mi kinisimaarneq ( 75 min.)
Ullumi angalaarluareernerup kingorna, spa-mut hotelip aneerasaartarfianiittumut imermut kissalaartumut ikeqqinnissaq qilanaarnassaaq. Tamatumuuna unnukkut kinisimaassaagut, neriuutigaarpullu allaaqqissasoq, arsarnernik kusanartorsuarnik qanorsuaq isiginnaarniassagassi.

Ullut sisamaat: Ullaakkorsioriarluni mittarfiliaanneqarneq. Timmisartumik Sisimiuniit Nuummukarneq

Ullut sisamaanni ullaakkorsiorluariarlutit pisuttualaarnissamut periarfissaqassajunnarsivoq.
Aqqarnup missaani mittarfiliaanneqassaasi, nassatassinnillu tunniussillusi. Sisimiunilu ulluni sisamani nuannersunik misigisarpassuaqareernerup kingorna Nuummut uternissaq tullinnguutissaaq.

Akia, inimi marluuttarissami kr. 10.845.
Kisimiinniaraani tapiut kr. 865.

Coronaqarnerani akikillisaatit peerneqassapput
Inimi marluuttarissami inummut ataatsimut: AKIKILLISAAT: 1.650 kr.
Inimi kisermaattariami inummut ataatsimut: AKIKILLISAAT: 2.400 kr.

Angalaarnissat aaqqissuussagut Kalaallit Nunaanni illoqarfinnit tamanit aaqqissuunneqarsinnaapput. Allallutit sianerlutilluunniit akinik paasiniaagit.

Angalaneq nr. 2010
Februarimiit majimut
Ullut sisamat
Nuummiit aallarluni
Nammineq (angalaqatigiiunani) angalaneq

Paasissutissat naleqquttut

Angalanermi ilaanngillat
Nerinerit qulaani taaneqanngitsut
Angalanerup nalaani sillimmasiissutit

 

Nassatassat nassarneqarsinnaasut
Tunniussassat 20 kg tigummiagassallu 8 kg (tigummiat annerpaaffigisinnaasaa: 55 x 40 x 23 cm).

Angallarluttut kaassuartakkamiittullu
Ajoraluartumik angalaneq angallarluttunut kaassuartakkaniittunullu naleqqutinngilaq. Angalaarnerit Nunatta Angalatitsivianit aaqqissuussat ajornassutsimikkut angalasunut angallarluttuunngitsunut naatsorsuussaapput. Kissaataasoq naapertorlugu angalasup pisariaqartitaa eqqarsaatigalugu, angalanerup piukkunnassusaa pillugu paasissutissiinissatsinnut soorunami piareersimavugut. Maluginiaruk nakorsaanermut tunngasutigut siunnersuinissamut piginnaasaqannginnatta, illit angallarluttutut Nunatta Angalatitsivianik oqaloqateqarneq tunngavigalugu angalanissaq una toqqarukku, nammineq akisussaaffigissavat.

Nunagisaq qimannagu Kalaallit Nunaanni sulinngiffeqarneq - staycation

Angalanerinnanngitsunik aammali toqqissisimanermik tuniniaagaqarpugut. Kalaallit Nunaannik immikkut ilisimasaqarpugut, nunalu avannaaniit kujataanut ilisimalluarlugu. Taamaatumillu sullitagut toqqissisimatilluartuarpagut. Aqqutaa tammaat.

Apeqqutissaqarpit? Angalatitsinermut immikkut ilisimasalittatta ilaannut saaffiginnigit.

Angassaguit uagut aqqutigaluta inniminniigit. Angalanissannik pilersaaruit allaffigisigut, periarfissarsiussavatsigit. Aamma 701107-mut sianernissamut tikilluaqquatsigit.