SULIFFINNUT ATATILLUGU ANGALANERIT ILISIMASAQARLUARFIGAAGUT AQQUTAA TAMAAT TOQQISSISIMATISSAVATSIGIT AIR GREENLANDIP NUNATTALU ILAGAATIGUT

Sisimiuni misigisassarsiorlunilu qasuersaarneq

Sisimiunik tallisamik sapaatip akunneranik naanersioriartorluni

Misigisassarsiorneq qasuersaarnerlu

Nunatsinni pissangarnartorsiorfimmukaqatigitigut!  Ilaatigut iluartarpoq najugarisaq qimalaarnissaa imminut iluarusutsikkiartulaarluni. Allanik misiliinissamut aalajangerit nuannersunillu misigisassarsioriarit. Sisimiuni periarfissat arlaliupput.

Sisimiut tunuatungaani pisuttuarit, angallammik angalagit, katersugaasivik takusaruk, Taseralimmut café-riarit, illoqarfimmi qummut ammukajaartumilu pisuttuarit, naggataatigullu Hotel Sisimiuni boblebad-imi kissalaartumut ikigit isikkivigissumilu qasuersaarit.

Misigisassaasinnaasut!

  • Nunaqarfikumut angallammik angalaarluni takusaaneq
  • Hotel Sisimiuni boblebad-erneq
  • Sisimiut qaqqaani tunuanilu pisuttuarneq
  • Hotel Sisimiuni iluarusunneq

Angalanissamut ilaapput

  • Nuummiit Sisimiunut utimullu timmisartorneq
  • Sisimiuni ingerlanneqarnerit
  • Hotel Sisimiuni unnuinerit pingasut, immikkut uffarfittalimmi
  • Ullaakkorsiornerit
  • Akitsuutit ullumimut nalunaarsorneqarsimasut tamaasa
Ullormut pilersaarutit
Ullut 1-3

Angalanerit aallartissaaq Nuummiit ullaakkut Kangerlussuatigoorlutit Sisimiunut timmisartussallutit. Hotel-imiit bus-inik aaneqassaatit, hotel-imullu sisamanik ullorialimmut inissinneqassallutit, tassaniissallutit unnunni pingasuni tulliuttuni.
Hotel-i qaqqanut innaaqqissunut isikkiveqarpoq. Hotel-ip neriniartarfiani nunatta nerisassaataanik atortussiaqartunik sassaallertarput.
Hotel-imi paasiniaasinnaavutit illoqarfimmi eqqaanilu pisunik, neriniartarfiit misigisassaasinnaasullu. Siumoortumik misigisassarsiornissamut inniminniisimaguit hotel-mi uppernarsisinnaavatit peqataasussatut.

Sisimiut nunatsinni illoqarfiit annersaasa aapparaat, inuttaqarluni 5.500 missaani (6.500 qimmit ilanngutissagaanni). Innuttaasut ilisarnaatigaat piumassuseqarluartuusutut taamaammat illoqarfik pisorqarluarfiusuuvoq. Assersuutaavoq Arctic Circle Race, aammattaaq illoqarfiup tunuani periarfissanik arlalinnik ujartuisoqarsimavoq. Ilarisaat ulluni tulliuttuni sisamani illit misigisinnaavatit.
Siornatigut Sisimiuniissimanngikkuit innersuutigissuarput hotel-ip illoqarfimmi paasisassarsiorluni pisuttuartitsineranut peqataanissaq.

Illoqarfimmi paasisassarsiorluni pisuttuarneq
Qaqqat portusuut akornani Sisimiut nuna maniitsumi inisseqqavoq. Tamaaniipput ilinniagaqarfiit, talittarferujussuaq, KNI-p (Pisiffik Pilersuisorlu) allaffeqarfia, illoqarfitoqqami katersugaasiviit kusanartut, nasiffigissaarlunilu assiliiffissaqqissunik.
Pisunnermi pisiniarfik Qiviut aqqusaassavarsi, nunarsuarmi umimmaat qiviunik qiviuanillu sanaanik tuniniaaffiusuni siullersaasumut. Umimmaat qiviui uumasunik qiviusunik kissallaqqinnerpaajupput, assullu aqitsuullutik.
Misigisassarsiornissamut siunnersuut alla unaasinnaavoq:

Sisimiut avataani angalaarneq (misigisassarsiornissanut neqeroorutini ilaavoq)
Sisimiut eqqaani qeqertarpaat kangerluillu akornanni angallamik angalaassaagut, Sisimiut tunuaniittoq Nasaasaaq isikkivigalugu. Imarsiortut inuunerisaat misigillatsiassavarput timmiarparujuit takussallugit, iluatsitsissaguttalu puisinik arfernillu aamma takusinnaassalluta.
Hotel-imut uagutsinnulluunniit misigisassarsiornissamut allanut periarfissanik paasiniaagit.

Ulloq 4 Ullaakkorsiorneq mittarfimmut ingerlatsinnerlu. Sisimiuniit Nuummuut timmisartorneq

Ullut sisamassaanni ullaakkorsioreernerup kingorna immaqa periarfissaqarsinnaavoq kingullermik illoqarfimmi pisuttualaarnissaq.
Ullut nuannersut Sisimiuni atoreerlugit Nuummut utissaatit.

Inummut ataatsimut akia: kr. 4.875

Juni-mi corona peqqutaalluni akikilliliivigineqarsinnaavutit

Neqeroorutigut nunatsinni illoqarfinni tamaniit sananeqarsinnaapput! Saaffigitigut akinik
paasiniaallutit.

Angalaneq nr. 2012
Juni-September
Ullut sisamat
Nuummiit aallarneq
Immikkut angalaneq

Paasissutissat naleqquttut

Angalanermi ilaanngillat

Ullup qeqqasiornerit unnukkorsiornerillu
Misigasassarsiornerit
Angalanermut sillimmasiinerit

 

Nassatassat nassarneqarsinnaasut
Tunniussassat 20 kg tigummiagassallu 8 kg (tigummiat annerpaaffigisinnaasaa: 55 x 40 x 23 cm).

Angallarluttut kaassuartakkamiittullu
Ajoraluartumik angalaneq angallarluttunut kaassuartakkaniittunullu naleqqutinngilaq. Angalaarnerit Nunatta Angalatitsivianit aaqqissuussat ajornassutsimikkut angalasunut angallarluttuunngitsunut naatsorsuussaapput. Kissaataasoq naapertorlugu angalasup pisariaqartitaa eqqarsaatigalugu, angalanerup piukkunnassusaa pillugu paasissutissiinissatsinnut soorunami piareersimavugut. Maluginiaruk nakorsaanermut tunngasutigut siunnersuinissamut piginnaasaqannginnatta, illit angallarluttutut Nunatta Angalatitsivianik oqaloqateqarneq tunngavigalugu angalanissaq una toqqarukku, nammineq akisussaaffigissavat.

Nunagisaq qimannagu Kalaallit Nunaanni sulinngiffeqarneq - staycation

Angalanerinnanngitsunik aammali toqqissisimanermik tuniniaagaqarpugut. Kalaallit Nunaannik immikkut ilisimasaqarpugut, nunalu avannaaniit kujataanut ilisimalluarlugu. Taamaatumillu sullitagut toqqissisimatilluartuarpagut. Aqqutaa tammaat.

Apeqqutissaqarpit? Angalatitsinermut immikkut ilisimasalittatta ilaannut saaffiginnigit.

Angassaguit uagut aqqutigaluta inniminniigit. Angalanissannik pilersaaruit allaffigisigut, periarfissarsiussavatsigit. Aamma 701107-mut sianernissamut tikilluaqquatsigit.