Ilimanaq Lodge-imi neriniartarfik KOKS
Nunarput pissanganartunik pisoqarfiusarpoq. Sullitatta 2022-imi 2023-imilu aasaanerani qilanaarisinnaasaasa ilagaat nerisassanut tunngatillugu misigisassaq tupinnaannartoq.
Neriniartarfik Koks, nalinginnaasumik Savalimmiuniittoq- taakkunannga marluk Michelin-ip ulloriaanik nersornaatisisimasut- arlaat aasat taakku marluk Ilimanaq Lodge-imut nuukkallassaaq, taamaalilluni tassaniinnermi alianaalluinnartumik ineqaannarani aammali mamarluinnartunik nerisaqarnissaq periarfissaalissaaq. Nutaarsiassaq ukiup nikinnerani saqqummermalli, inniminniinissamut periarfissaq suli piariinngikkaluaq, piumaneqarnera annertoqaaq.
Ilimanaq Lodge -imut angalanissat ataatsimut aaqqisuussagut annertuut nuannersullu arlallit iluaqutsiullugit, Nunatta Angalatitsivia Greenland Travel angalanernik, neriniartarfimmit KOKS-imit nerisassanik misilitassanik toqqagassartalinnik, neqeroorsinnaavoq. Ilisarnaataa pitsaassusaalu Michelin-itut qaffasissuseqassaaq taamaattorli persuarsiorfiussanani– isikkiviginnerungaassallunilu.
Unnuinerit mamarluinnartunik nerisassartallit
Piginneqataalluni ingerlatseqaterput World of Greenland peqatigalugu 2017-imi Ilimanaq Lodge-imik ammaanitsinniit nerisassanik nunatsinneersunik, nunanit avannarlerniit kusanartumik nutaaliorluni akusanik, Ilimanaq Lodge-ip nammineq neriniartarfiani Egedemi nerisassianik sassaallertoqartarpoq. Taanna nunatsinni illut pisoqaanerpaat eriagisassatut eqqissisitat ilaanni inissisimavoq.
Piginneqataalluni ingerlatseqatigiiffitta World of Greenlandip, ingerlatseqatitta Hotel Arcticip neriniartarfiullu KOKS-ip; Poul Andrias Ziskamit nersornaatisimasumit pisortalimmit aqunneqartup suleqatigiinnerisigut, nunatsinni nerisassiornermut tunngatillugu annertuumik angusaqarumaarnitta qulakkeerneqarnissaa, nunattalu nunarsuarmi tikitassatut maluginiarneqartunut immikkuullarilluinnartunut ilaanerata erseqqissarnissaa qularinngilarput.
Nerisassat
Ilimanaq Lodge-imi neriniartarfik KOKS, 30-iinnarnut inissaqarpoq piumaneqarneralu annertoqaluni. Illuaqqatsinni ineqanngitsunut periarfissaqarnissaq qulakkeersinnaanngilarput.
Neriniartarfik KOKS, 2022-imi juunip ulluisa aqqaneq aappaanniit septembarip ulluisa arfineq pingajuannut nerisassanik misilitassanik sassaallertassaaq, saniatigullu viinninik naatitallu isserinik juicinik naleqqussakkanik pisisoqarsinnaassalluni. Neriniartarfik KOKS nunarsuup avannaarpiarsuani issittumi nunaqarfeerannguami ammassaaq, taamaammat pissutsit sumiiffinni allani nalinginnaasut maani tamatigut atuutinngillat, nerisassanillu misilitassanik naatitaannarnik akulinnik Ilimanami inniminniisoqarsinnaassanngilaq.
Akit
- KOKS nerisassat misilitassat: DKK 2.100
- Viinnitassaat DKK 1.600
- Juice-itassaat DKK 800
