Tapersiinissamut isumaqatigiissutit

Tapersiinissamut isumaqatigiissutit

Ukiumut pingasoriarluni qinnuteqartoqarsinnaavoq. Tamatuma kingorna qinnuteqaatit Greenland Travelip tapersiisarneq pillugu ataatsimiititaliaanit naliliivigineqassapput, qinnuteqartullu tapersiisarneq pillugu ataatsimiititaliap ataatsimeereernerata kingorna sap. akunnerini tulliuttuni nalunaarfigineqassallutik. Kingumoortumik tapersiisoqartanngimmat, sapinngiamik piaarnerpaamik qinnuteqaatinik nassiussisarnissarsi innersuussutigaarput.

Qinnuteqarfissaq kingulleq                 Akissutisinissaq

1. april                                                                15. april

1. august                                                            15. august

1. december                                                       15. december

Tapersersuivugut

Nunarput 56.000-it sinnilinnik inoqarpoq. Taamaammat innuttaasut pimoorussisut piginnaaneqartullu, inuiaqatigiit ineriartorneranni ikiuuttussat pisariaqartinneqarput. Nunatsinni inuit tamarmik pingaaruteqarput. Nunatsinni suliffiit sulisinnaasullu tamarmik ilinniartitaanissaasa, taamatullu piginnaasat piginnaanillillu illersorneqarnissaat pingaaruteqarsoraarput. Taamaammat sunniuteqarfigisinnaasorisatsinnik ukkassivugut.

Qinnuteqaatit

Qinnuteqaammi makku ilanngunneqassapput:

• Suliniut pillugu nassuiaat
• Aningaasartuutissanut missingersuutit – isertikkumaakkatut naatsorsuutigisat aningaasartuutissallu
• Kikkut qaqugulu angalanissaannut qinnuteqarnermik nassuiaaneq
• Qinnuteqartut taarsiullugu tunniussassaannik, tamatumalu Greenland Travelip nittarsaassinermut politikkiani qanoq atorsinnaanissaanik nassuiaaneq

Greenland Travelimut qinnuteqaatit, qinnuteqarnermi immersugassaq aqqutigalugu nassiunneqassapput. Una toorlugu immersugassaq aajuk.

Maleruagassat nalinginnaasut

Greenland Travelimit taperserneqarnermi maleruagassaqarpoq:

• Suliniutip qanoq ingerlanera pillugu nammineq imal. allakkatigut paasissutissanik tusagassiuutitigut eqqartorneqarnissaa ilanngullugu malinnaatissavatsigut.
• Taarsiullugit tunniussassanik qinnuteqaatissinni nassuiakkassinnik eqquutitsinissarsi. Taakku tassaasinnaapput ilisarnaatip inissinnissaa katinngatillu, tusagassiorfinnit eqqartorneqarneq (qarasaasiakkut paasisutissiiviit (blog) inuillu attaveqatigiittarfii ilanngullugit), qarasaasiakkut tusagassiivitsinnut nutaarsiassiivitsinnullu assit allaaserisallu.

Qinnuteqaatit suliarineqartarnerat

Qinnuteqaatinik suliaqarnermi, qinnuteqaammi immikkut kissaatigineqartut eqquutsinneqarnissaat pingaartinneqarpoq. Tamatuma saniatigut qinnuteqartut pisortaqarfinnit allanit taperserneqarnissamik qinnuteqarnissamut periarfissagissaarnersut, tapersiinerlu Greenland Travelimut naleqarsinnaanersoq isummerfigineqassapput. Ilinniarnermut sulinermullu atatillugu angalanerit taperserneqartanngillat. Nunatsinniunerusoq tapersiisarpugut, qaqutigulli niuernermut imal. ileqqorissaarnermut atatillugu nunatta avataani pisunut Greenland Travelimit nalilittut isumaqarfigisatsinnut tapersiisinnaasarluta.

Taperserneqarnissamut qinnuteqarnermi immersugassaq

Taperserneqarnissamut qinnuteqarniarussi qarasaasiakkut immersugassaq immersussavarsi. Nunatsinni suliniutinut meeqqanut inuusuttunullu sunniuteqartunut tapersersuisuuvugut. Tapersiinissamut isumaqatigiissuteqarfigisatsinnut piumasaqaateqarpugut, taamaammat suliniut nassuiarluarneqarpat naliliiviginissaa ajornannginnerussaaq.

Tapiiffigisartakkagut:

• Nunatsinni suliniutit/sammisat
• Sammisat meeqqanut inuusuttunullu amerlanerpaanut sunniuteqartut

Tapiissutigut sapinngisamik amerlanerpaanut iluaqutaasinnaaqqullugit, inuit ataasiakkaat suliniutaannut TAPIISSUTEQARTANNGILAGUT.
Nunatta avataani tapiissutinik qinnuteqarnissamut periarfissat annertunerummata, suliniutit nunatsinniit AALLAAVEQARTUT pingaarnerutillugit tapersersorpagut.
Taperserneqarnissamut atatillugu suliffeqarfitsinnut nalilimmik pilersitsisinnaaqqullugu, Greenland Travel-ip qanoq nittarsaannissaa eqqarsaatigissavat.

Ukiumut pingasoriarluni qinnuteqarfissat kingulliit tassaapput: 1. april, 1. august aamma 1. december.

Immersuiffissat tamakkerlugit immersornissaat eqqaamasiuk.

Una toorlugu qinnuteqarnermi immersugassaq aajuk.

Qinnuteqaat immersoriigaq uunga nassiuguk: marketing@greenland-travel.dk.