Nalunaaqutaqatigiissoq

Nunarput tamakkiusallugu nalunaaquttap nikittarfiata allanngornissaa

Kalaallit Nunaanni nalunaaquttap nikittarfii pillugu aalajangersakkat nutaat pillugit inatsit nutaaq, Inatsisartut akuersissutigaat. Danmarki Europallu sinnera tamakkiusalluni ukiuunerani nalunaaquttamut /nalinginnaasumik nalunaaquttamut sapaammi 28. oktober 2023 ullassakkut nuuppata, Kalaallit Nunaanni aasaanerani nalunaaqutaq nikisinneqassanngilaq.

Tamanna Kitaata Danmarkillu/Europallu akornanni nalunaaqutaq sungiusimasatsitut akunnernik sisamanik nikingajunnaarluni akunnernik pingasunik nikingalernissaanik isumaqarpoq. Taamaammat Kalaallit Nunaanniikkuit asaanerani nalunaaqutarisaq 2023-imi naappat nikisissanngilat.

Nutaamik nalunaaquttap nikittarfeqalernerup siunissami Amerikap Avannarliup kangimut sineriaata (ET) Kalaallit Nunaatalu akornanni kiisalu Europa-ip (CET) Kalaallit Nunaatalu akornanni, akunnernik pingasunik nikingalernissaq kingunerissavaa.

Maannamut Kalaallit Nunaata Europallu akunnernik sisamanik nikinganerat (CET), Kalaallit Nunaatalu Amerikallu Avannaata kangimut sineriaata akunnernik marlunnik nikinganerat sungiusimavarput.

Tamanna 2023-imi oktobarip ulluisa 28-iata kingorna angalanermut tunngatillugu ilinnut qanoq sunniuteqassava?

Kalaallit Nunaanniikkuit, ullorlu taanna sioqqullugu bilitsisisimaguit, timmisartoq pilersaarutaasumiit nal. ak. ataaseq kingusinnerusukkut aallassaaq. Tamanna pillugu timmisartortitseqatigiinnit sms-ikkut nalunaarfigineqartussaassaatit.

Danmarkimiit piffissat timmisartuussivissat, nunatsinnilu namminermi nalunaaqutaat nikinngitsunut; Nerlerit Inaannut/Constable Pyntimut, Ittoqqortoormiinut, Pituffik Space Base-imut/Thule-mut taakkunanngalu timmisartuussinerit, allannguinermit eqqorneqannginnissaat maluginiassavat.