Aputilimmi ilulissat illoqarfianni juullisiorneq

Ilulissani allaanerusumik alianaatsumik – nipaannermik ilulissanillu nunarsuarmi nalissaqanngitsut ilaannik avatangiiseqarluni juullisiornissaq misigisassarsiorfigiuk.

Nukissaneqqissinnaavutit qasuersaarlutillu, aammali juullip immikkut ittumik misigititsisarnera, igalaani juullip ulloriai ikitersimasut aappalungusersut, arsarnerit, qimmit qimuttut, iluliarsuit qaqqallu aputillit misigalugit.

Ilulissani UNESCO-p nunarsuatsinni eriagisassatut kingornussat nalunaarsorsimaffianni ilaasumut Kangiata Sulluanut pinngortitallu juullimut aaqqissugaanik nalinginnaasumit allaasumik isikkivilimmi, akunnittarfimmi Hotel Arctic-imi ineqassaatit. Angalanermi juullimi ilorrisimaartarneq issittumilu misisigassat akuleriissinneqassapput.

Pisussat pingaarnerit!

Hotel Arctic-imi juullimi nerersuarneq
Iluliarsuit Kangiata Sulluaneersut misigisaqarfigikkit
UNESCO-p nunarsuatsinni eriagisassatut kingornussat nalunaarsorsimaffianniittoq
Arsarnerit qilammi aalataartut misigisaqarfigikkit

Angalanissamut ilaapput

Angalanermut ilaapput
Nuummiit Ilulissanut uterlugulu angalaneq
Mittarfimmiit akunnittarfimmut utimullu angallanneqarneq
Hotel Arctic-imi ullaakkorsiornertalimmik pingasoriarluni unnuineq
24/12: Juulliaqqami ullup qeqqasiutissatut sassaaliutit, nalliuttorsiorpalaartumik unnukkut nereqatigiinneq akornatigullu kaffi, tii juullimilu immikkut mamartuliat
25/12: Ullup qeqqasiutissatit sassaalliussat unnukkullu nerisassat
Ataatsimoorluni paasissutissinneqarneq
Akileraarutit akitsuutillu ulloq manna tikillugu nunatta angalatitsivianut ilisimatitsissutaasut
Nassatat 20 kiilut namminerlu tigumiat 8 kiilut

Immikkut maluginiaqqugassat

Angalanissamut ullussat piffissallu allatigulluunniit allanngortinneqarsinnaanngillat.

Angalanermi najoqqutassaq

Feeria illit nammineq pilersaarusiorsinnaavat imal. misigisassarsiorluni angalanissatut pilersaarutigut ataatsimoortut, misigisinnaasannik ilinnut naleqqussinnaasunik assigiinngitsunik sisamanik katitikkat, pisiaralugit. Misigisassarsiorluni angalanissatut pilersaarutigut ataatsimoortut Ilulissani pinngortitamut qanillinissamut periarfissiisut aallaavigalugit, ataani najoqqutassaq suliaraarput. Najoqqutassaq sammisassat amerlanerpaanit peqataaffigineqarsinnaanngorlugit katitigaavoq.

Misigisassarsiorluni angalaarnissat ataatsimoortut pingasut

Misigisassarsiorluni angalaarnissat ataatsimoortut nuannerineqarluarput angalaarnissanilu ullormut najoqqutassanut naleqqussagaallutik.

Illoqarfimmi Ilulissani angalaarneq (nal. ak. marluk)
Kangiata Sulluata eqqaanut Sermermiunut pisunneq (nal. ak. marluk)
Ilulissani arsarnernik takuniaaneq (nal. ak. aappaata affaa)

Ilisimasariaqakkat

Angalanissamik inniminniileruit misigisassarsiorluni angalaarnissanik ataatsimoortunik inniminniinissat innersuussutigaarput. Kingusinnerusukkut inniminniiniaruit misigisassarsiorluni angalaarnissat ataatsimoortut nungoreersimasinnaapput.

Ullormut pilersaarutit

23/12- Nuummiit Ilulissanut timmisartorneq. Paasissutissiineq immaqalu illoqarfimmi angalaarneq

Ilulissat mittarfianni aaneqassaatit Hotel Arcticimullu biiliunneqarlutit. Paasissutissiisoqassaaq, illoqarfiup oqaluttuassartaa, illoqarfiup avataa misigisassarsiorlunilu angalaarnissamut periarfissat tusassavatit. Ukiup taamaalinerani ullormut qaamasarnera killeqarpoq. Taamaammat kikkut tamarmik peqataanissaannut periarfissikkumallugit misigisassarsiorluni angalanerit tulleriiaarneqarnerat allanngorarsinnaavoq. Peqataaniartut tamakkerlutik ulloq taanna angallammut ilaasinnaanngippata, angalanissaq ullormut allamut nuunneqassaaq. Najoqqutassaq inaarutaasumik pissutsinut atuuttunut naleqqussarneqassaaq paasissutissiinermilu saqqummiunneqassalluni. Paasissutissinneqareernerup kingorna angallassisoqarluni illoqarfik angalaarneqarsinnaavoq.

Angallassisoqarluni illoqarfimmi angalaarneq (misigisassarsiorluni angalaarnissat ataatsimoortut ilaat)

Ilulissat nunatsinni illoqarfiit annersaasa pingajoraat. Ilulissat eqqqaa ukiuni 4.500-ini inoqarsimavoq. Angalaarnissaq pissanganartoq paasissutissarpassuarnik, ulluni tulliuttuni atorsinnaasannik pissarsivissat, qilanaarisinnaavat. Knud Rasmussen Ilulissani illumi ullumikkut kulturimut oqaluttuarisaanermullu tunngasunut katersugaasiviulersumi alliartorpoq.

Ullup sinnera nammineq aalajangikkanut atorneqarsinnaavoq.

24/12: Kangiata Sulluata paavani juulliararsiorneq. Sermermiunut pisussinnaaneq

Ilulissani nammineq sammisassarpassuaqarpoq, angallassisartullu tikinnermi paasissutissiinermini tamanna oqaatigereerpaa. Ullumikkut tamakku misigisassarsiorfigisinnaavatit.

Kangiata Sulluata eqqaaniittumut Sermermiunut pisunneq (misigisassarsiorluni angalaarnissat ataatsimoortut ilaat)

Nunaqarfiusimasumut Sermermiunut Kangiata Sulluanut qanittumut ukiuni tuusintilikkaani inoqarsimasumut pisoqataasinnaavutit. Isikkivik alianaakkaluaqisoq tamanna pillugu tassani nunasisoqarsimanngilaq. Kangiata Sullua aalisakkat puisillu nerisaqarfigimmassuk tamatuma eqqaa piniagassalissuummat, inuit tassani nunasinissaannut tunngavissiisimavoq.

Ullumikkut aamma ullup qeqqasiutissanik juullerpaluttunik illinnartunik sassaalliisoqassaaq unnukkullu juullerpaluttunik kissartunik nerisoqassalluni.

25/12: Arsarnernik misigisassarsiorsinnaaneq

Ullumikkut illoqarfimmi pinngortitamilu misigisassarsiorsinnaavutit.

Akunnittarfimmi ullup qeqasiornissaq unnukkullu nerinissaq ilaapput.

Misigisassarsiorluni arsarnernik takuniaaneq (misigisassarsiorluni angalaarnissat ataatsimoortut ilaat)

Unnukkut nerereerutta arsarnernik takuniaassaagut. Ukiuunerani unnukkut allaaqqitsillugu illoqqarfiup Ilulissat qulaani arsarnerit alutornaqisut takusinnaavatit. Arsarnerit ukiumi allaaqqitsillugu aatsaat takuneqarsinnaasarnerat- qulisimatillugulu takuneqarsinnaasannginnerat maluginiassavat.

26/12: Timmisartumik Nuummut uterneq

Ullumikkut ukiuunerani Ilulissani misigisat alutornartut inuulluaqqusussanngorpatit timmisartumullu ilaallutit Nuummut utertussanngorlutit.

Aallarfissat akillu

Akit aallarfissallu uani - inniminniiffigisinnaasannittaaq takukkit, (danskisut)

Angalaarnissat aaqqissuussagut Kalaallit Nunaanni illoqarfinnit tamanit aaqqissuunneqarsinnaapput. Allallutit sianerlutilluunniit akinik paasiniaagit.

MALUGINIAGASSAQ: Ajoraluartumik nittartakatsinni kalaallisuumi toqqaannartumik inniminniineq periarfissaanngikkallarpoq. Angalanissaq inniminnerusukkukku, takornarissanut nittartakkatsinnut qallunaatuumut ingerlatinneqassaatit. Tassanngaanniit inniminniisinnaavutit.

Angalaneq normua: 2413

Ullut 4

Paasissutissat naleqquttut

Angalanermi ilaanngillat

Angalanermut ilaanngitsut
Saniatigut nerisat
Imeruersaatit
Sillimmasiissutit
Misigisassarsiorluni angalanissat ataatsimoortut

Piffissat timmisartorfissat (nunatsinni nal. naapertorlugu)

23/12 Nuummiit aallarneq nal. 09.40
26/12 Nuummut uterneq nal. 12.15

Peqataasinnaasut ikinnerpaamik 30-iussapput

Københavnimeersut ilanngullugit peqataasinnaasut ikinnerpaamik 30-iussapput.

Inigisamik pitsaanermik taarsiineq

Junior Suite imal. Nordlyshytte unnuk ataaseq 1.000 koruuniniit.

Angalanissamik pisinissamut killiliussaq

Angalanissaq 20/11-2026 nallertinnagu pisiarineqareersimassaaq.

Nassatat

Nassatat 20 kiilut namminerlu tigumiat 8 kiilut ilaapput (nammineq tigumiat: 55 x 40 x 23 cm sinnernagit angissuseqassapput).

Angallarluttut kaassuartakkamiittullu
Ajoraluartumik angalaneq angallarluttunut kaassuartakkaniittunullu naleqqutinngilaq. Angalaarnerit Nunatta Angalatitsivianit aaqqissuussat ajornassutsimikkut angalasunut angallarluttuunngitsunut naatsorsuussaapput. Kissaataasoq naapertorlugu angalasup pisariaqartitaa eqqarsaatigalugu, angalanerup piukkunnassusaa pillugu paasissutissiinissatsinnut soorunami piareersimavugut. Maluginiaruk nakorsaanermut tunngasutigut siunnersuinissamut piginnaasaqannginnatta, illit angallarluttutut Nunatta Angalatitsivianik oqaloqateqarneq tunngavigalugu angalanissaq una toqqarukku, nammineq akisussaaffigissavat.

Apeqqutissaqarpit?

Angalatitsinermut immikkut ilisimasalittatta ilaannut saaffiginnigit.

Angassaguit uagut aqqutigaluta inniminniigit. Angalanissannik pilersaaruit allaffigisigut, periarfissarsiussavatsigit. Aamma 701107-mut sianernissamut tikilluaqquatsigit.

Inuussutissarsiummut atatillugu angalanerit - attavigiuk