Atorfiit inuttassarsiuussat

Massakkut sulisussarsiunngikkallarpugut.

Nunatta angalatitsiviani Greenland Travel-imi ilinniartoq

Ilinniartussarsiorpugut – illiussava?

Taama suliffimmi sungiusarluni ilinniarneq nunatsinni siullersaavoq. Tamannalu tulluusimaarutigeqaarput.  Suliffimmi sungiusartumik naammassingajalersumik, naatsorsuutigisatsinniillu, inuttaanut uatsinnullu pitsaanerujussuarmik angusaqarfiusumik, ilinniartoqarpugut! Taamaammat, nunarput qitiutillugu, angalatitseqatigiiffimmi inuuneq pillugu tamanik ilinniarusuttumik, allamik pissarsiorpugut.

Nalornissutiginngilarput: Nunarput nunarsuarmi ornitassat alianaannersaralugulu pitsaanersarigaat. Taamaammat siunnerfeqarluta nunatta takutinnissaa piujuaannartitsinerlu tunngavigalugu takornariaqarnikkut inerisaanermik siumut kaamitsinissaq suliniutigaarput.

Uatsinni tamatigoortumik atituumillu, inuussutissarsiornermi sunngiffimmilu angalanermi siunnersortitut ilinniartitaanermik kinguneqartussamik ingerlatsissaatit. Ilinniartitaaneq, angalatsitsivinni pitsaasumik tamatigoortumillu ataatsimut isiginnilersitsissaaq misilittagaqalersitsissallunilu.

Ukiuni marlunni suliffimmi sungiusarluni ilinniartitaanermik, ilaatigut makkunannga imalimmik neqeroorfigaatsigit

• Nuummi inuussutissarsiornermut immikkoortortatsinni qaammatini arfineq pingasuni sulinermik sungiusarneq.
• Ukioq ataaseq Københavnimi sunngiffimmut-, aningaasaqarnermut- tuniniaanermullu immikkoortortatsinni ilinniartuuneq.
• Aasami ingerlatseqaterput World of Greenland peqatigalugu Ilulissaniinneq.
• Ilinniartitaaneq pissanganartoq angalanerpassuartalik.
• Angerlarsimalluni sulisinnaaneq suliffissallu eqaatsumik aaqqissuussat.
• Sullivimmi avatangiisit persuarsiorfiunngitsut tamatigullu ikioqatigiiffiusut.
• Sulisutut ajunngitsorsiassat pilerinartut ilinniartutullu akissarsiarissaarneq.
• Sullivimmi avatangiisit pitsaasut, suleqaterpassuit suliaminnut tunniusimasut annertuumillu piumassusillit.

Ilinnit kissaatigisagut tassaapput,

• Ass. GUX-imi imal. Niuernermik Ilinniarfimmi tunngaviusumik ilinniarsimaneq.
• Tamatuma saniatigut makku arlaannik ilinniarsimaneq: Arctic Tourist Guide, Adventure Guide imal. pilersaarusiornermut kiffartuussinermullu immikkut (serviceøkonom) ilinniarsimaneq.
• Suliffimmi sungiusarlutit ilinniarnerit, Nuummi, Københavnimi Ilulissanilu ingerlanneqassammat nuuttaqattaarsinnaassaatit.
• Inissaqarnissat nammineq isumagisassavat, soorunalimi ajornanngikkaangat ikiorniartassavatsigit.
• Takorloorparput kalaallit, danskit tuluillu oqaasii piginnaaneqarfigissagitit. Oqaatsit allat piginnaaneqarfigigukkittaaq iluassaqaaq.
• Akisussaaffimmik tigusisinnaanissat tiguserusunnissallu anguniagaqartuunissallu.
• Angalajumatuujunissat angalanermillu nuannarisaqartuunissat.
• Sullitanik assigiinngitsorpassuarnik attaveqarnermik iluarisaqarnissat.
• Nunatta piujuartitsisumik takornariarfiunissaanut peqataanissamik kissaateqarnissat.

Qulaaniittut soqutiginnilersitsippata, taava qinnuteqaatit tunngavilersugaq sulisoqarnermut pisortatsinnut Tina Mogensenimut mailikkut: tm@greenland-travel.dk nassiuguk.

Uagut

Greenland Travel nunatsinni Danmarkimilu inuussutissarsiutilittut sullitanut angalatitsisuuvoq, inuussutissarsiornermullu immikkoortortatsinni angalatitsivimmi qarasaasiakkut sullississutit pingaarnersaasa atornissaat ilinniassavat. Tamatuma saniatigut takornarianut nunatsinnut misigisassarsiorusuttunut angalanermik, ineqarnermik allanillu angalanermut tunngasunik pingaarnernik ataatsimoortunik ataasiakkaanillu tunisisarpugut. Niuerfiit taakku marluk annertusiartorput.

Greenland Travel Air Greenland-imut ilaavoq.

Nunarput tamakkerlugu pisortat namminersortullu suliffeqarfiutaat kiffartuuppagut. Suliffeqarfiuvugut ingerlalluartoq inuiaqatigiinnik soqutiginnittoq, sullitanut suleqatigisanullu pitsaasumik aalajaatsumillu attaveqarnermik qitiutitsisoq.

45-it missaannik, suliaminnut tunniusimasunik piginnaanilinnillu; Københavnimi, Nuummi, Sisimiuni Ilulissanilu allaffitsinnut agguataarsimasunik, sulisoqarpugut.

Quppernermi matumani suliffiit inuttassarsiuunneqartarput. Inuttassarsiuussat arlaat ilinnut illillu piginnaasannut naleqquppa? Taamaassappat qinnuteqaatit CV-llu nassiussinnaavatit. Inuttassarsiuussinngikkaluartugut qinnuteqaatinnik nassissinnaavatsigut.

Tusarfiginissat qilanaaraarput!