Nunatta Angalatitsivianit nittartakkatsinnut NAIA-mut saqqummiussivigineqarnissaq, illit suliffeqarfiillu angalanermut atatillugu politikkinik maleruagassanillu sulisunit malinneqartussanik ilissi nammineq nassuiaasinnaanissarsi, suliffeqarfiutilittut sullitatut ilinnut neqeroorutigaagut.

Nittartagarput NAIA aqqutigalugu inniminniinikkut suliffeqarfimmi maleruagassat angalanermullu atatillugu politikkip iluani illit nammineq kinguneqarluartussamik, pisariitsumik akikitsumillu pilersaarusiorlutillu, inniminniillutillu angalanissanik pisisinnaavutit.

NAIA isumaqarpoq Nunatta Angalatitsiviata Inniminniisarfia Angalasussanut.

NAIA atorlugu ulloq unnuarlu periarfissaqarputit:

• Air Greenlandip angallaviinut tamanut
• Nunarsuaq tamakkerlugu timmisartortitseqatigiinnut 400-inut
• Akunnittarfinnut 80.000-it sinneqartunut
• Nunani 190-ini biilinik atukkiussisarfinnut 30-inut

Angalanissanut neqeroorutit pitsaanerulersinnissaannut angalanissanullu aningaasartuutissanut missingersuuti annertunerpaamik pissarsiffiginissaannut NAIA sakkusaavoq assissaqanngitsoq!

Eqaatsumik akiligassanik isumannaarineq

Suliffeqarfimmi angalanermut atuinerup NAIA atorlugu nakkutiginissaa pisariitsuuvoq, akiligassanillu isumannaarineq eqaatsuulluni. Akiliut fakturaluunniit atorlugu akiliinissaq ilissi nammineq aalajangissavarsi.

Mailikkut, sms-ikkut app-ikkullu angalanissamut pilersaarut ataatsimoortoq

Angalanissamut pilersaarummi immikkoortut tamarmik (timmisartoq, akunnittarfik biilimillu attartorneq) ataatsimoortut mailikkut ilinnut nassiunneqarsinnaapput imal. app-i ”Cytric”aqqutigalugu pissarsiarineqarsinnaallutik. Soorunalumi angalanissavit NAIA-mi alakkarnissaa tamatigut periarfissaraat.

Periarfissat eqaatsut atorlugit piffissaq aningaasallu sipaakkit

Aaqqisuussineq ilissi suliffeqarfissinnut, angalanermut atatillugu politikkissinnut aningaasartuutissatullu missingersuutissinnut naapertuuttoq pissarsiarisinnaavarsi. Allaffissornermut tunngasortaanik ikiorsinnaavassi. Taamaalillusi pilertortumik aallartissinnaavusi suliffeqarfimmilu nukinnik atuisariaqarasi. Ass. bilitsiliuussitinnani inniminnikkanik Nunatta Angalatitsiviata misissuinissaa toqqarsinnaavarsi

Qarasaasiakkut nittartagarput pillugu annertunerusunik paasisaqarusukkuit attavigisigut.