Inuussutissarsiutigalugu suliffiutilinnut angalatitsivimmi pisortaq/Head of Corporate Travel

Nunatsinni inuussutissarsiutigalugu suliffiutilinnik angalatitsivimmi annerpaami aqutsisoorusuppit?

På dansk her.

Nunatsinnut, nunatsinni nunatsinniillu inuussutissarsiummut atatillugu angalanernik pilerinarnerpaanik pilersitsinissami siuttoorusuppit? Nunatsinni suliffiit pitsaanerpaat ilaannik pilersitsiniarluni illoqarfiit, kulturit kinguaariillu akimorlugit suleqatigiinnik aqutsinissaq inerisaaqqinnissarlu kajungeraajuk?

Greenland Travelip angalatitsivittut immikkoortuisa annersaanni siuttuusinnaasumik; sullitat, suleqatigisat suleqatillu peqatigalugit, Greenland Travelip inuussutissarsiutigalugu suliffiutilittut sullitanit, siullertut toqqassallugu pissusissamisoortunngortitsisinnaasumik, pissarsiorpoq.

Angalatitsivimmi pisortatut, sulisut tunniusimasut 20-it sinneqartut, nunatsinni Danmarkimilu allaffitsinniittut akisussaaffigissavatit. Taamaammat illit suleqatigiinnik amerlasuunik aqutsinermik misilittagaqartutit silassorissutsikkullu angusarissaartutit pissarsiariniarpatsigit.

Angalatitsivimmi inuussutissarsiutilinnut immikkoortortami pisortatut Greenland Travelimi aqutsisoqatigiinnut ilinnik pisortaanermik, sunngiffimmi angalatitsinermi pisortamit, aningaasaqarnermut pisortamit qullersanullu siunnersuisarfimmi pisortamit inuttaqartumut ilaalissaatit.

Atorfik Nuummi aallaaveqarpoq aaqqissuussaanikkullu toqqaannartumik pisortaanerup ataani inissisimalluni. Pingaartumik Københavnimut, Sisimiunut Ilulissanullu, sulisuit sumiiffiinut angalasarnissat naatsorsuutigissavat.

Aningaasarsiorfik pingaaruteqaqisoq

Greenland Travelip inuussutissarsiummut atatillugu angalatitsinera niuerfimmi annersaavoq sullitanullu assigiinngitsunut tamanut- ilaatigut pisortaqarfinnut, pisortat suliffiutaannut, peqatigiiffinnut kiisalu suliffeqarfinnut namminersortunit pisortanillu pigineqartunut, angalanissanik isumaginnittarluni.

Sullitatsinnut amerlasuunut angalaneq angallanneqarnerinnaanngilaq. Suliffeqarfiup imal. inuiaqatigiinnik kiffartuussinerup kivinneqarsinnaanissaanut piumasaqaataavoq. Taamaammat pitsaassuseq, uppernassuseq atassuteqarfiillu nukittuut iluatitsilluarnissatsinut aalajangiisuupput.

Angalatitsivimmi pisortatut, inuussutissarsiummut atatillugu angalatitsinermi annertusiartuaartitsinissaq, ineriartortitsiuarnissaq sullitallu iluarisimaarinninnissaannik qulakkeerinissaq pingaarnertut akisussaaffigissavatit. Suliffeqarfiup immikkoortuata illit aakisussaaffigisavit Greenland Travelip iliuusissatut siunniussaasa piviusunngornissaannik qulakkeereqataanissaa siunertaralugu ilusiliinissaq namminersuutigisinnaassavat. Aqutsisoqatigiinnut ilaasutut, iliuusissatut siunniussat anguniarnissaannut siunersioqatigiinneq, suliffeqarfimmik inerisaaneq atassusiinerlu, Greenland Traveli aamma suliffeqarfissuaq Air Greenland akimorlugit suliassavit annertunersaannut ilaassapput.

Akisussaaffitit

Inuussutissarsiummut atatillugu angalanerni ataatsimut akisussaaffissatit ilaatigut makkuupput:

• Greenland Travelimi inuussutissarsiummut atatillugu angalanernut aningaasartuutissatut missingersuinermut, angusanut- suliffeqarfimmullu akisusaaneq
• Sullitanut atassuteqarfinnik pioreersunik inerisaaneq nutaanillu suussusersineq
• Aningaasarsiornermi kisitsisinut pingaarutilinnut, isertitanut iliuuseqarnernullu malitseqartitsineq
• Neqerooruteqartitsinerni annerusuni isumaqatigiissusiornissamilu isumaqatigiinniarnerni ilusiliineq peqataanerlu
• Suliffeqarfissuaq Air Greenland akimorlugu suleqatinik suleqatigisanillu allanik qanimut suleqateqarneq
• Greenland Travelimi aqutsisoqatigiinnut ilaasutut ingerlatseqatigiiffiup iliuusissatut siunniussaasa naammassinissaannik qulakkeerineq
• Inuussutissarsiutilinnut immikkoortortap nunatsinni suliffeqarfinnut pitsaanerpaanut akuulernissaa siunertaralugu piginnaasatigut- kulturimik/ileqqunillu inerisaaneq.

Illit

Aqutsisutut; sulisunut, aningaasaqarnermut angusanullu, uppernarsaatissartalimmik akisussaaffilittut atorfimmeersuunissat takorloorparput.

Niuernermut tunngatillugu suliffeqarfimmit, suliffeqarfimmit pisortat ingerlataannit annerusumit imal. suliffeqarfimmit susassaqaqaterpassualimmit paasilertoruminaatsunillu suleqatigiiffiusumit misilittagaqassangatippatsigit.

Tamatuma saniatigut kissaatiginartipparput:

• Aqutsisunik imal suleqatigiinnik amerlasuunik inuttalinnik aqutsinermik misilittagaqarnissat
• Suliniummik paasilertoruminaatsumik imal. sullivimmi allannguinissamik ingerlatsinermik misilittagaqarnissat
• Aningaasaqarnermik paasisimasaqarluartuunissat aningasartuutissatullu missingersuusiornermik aalajangersimasumillu angusaqarnissamik akisussaaffeqarnermik misilittagaqarnissat
• Misissueqqissaarnerit paasissutissallu iliuusissatut siunniussat iliuseqarfiginissaannut tigussaasunngortitsisinnaanissat suliniummillu piginnittuulersitsisinnaanissat
• Sullitanut atassuteqarnermik, tuniniaanermik, aningaasarsiorfimmillu inerisaanermik aamma/imal. neqerooruteqartitsinermik misilittagaqarnissat
• Suliffeqarfik akimorlugu suleqatiginnisinnaanermut nukittuffeqarnissat
• Susassaqaqaterpassualimmi eqqarsaatigisassanillu assigiinngitsunik avatangiiseqarnermik iluarinninnissat
• Aqutsisutut siunnerfiliisumik pimoorussilersitsisumillu ersarissuunissat tatiginartuunissallu.

Danskisut tuluttullu oqalussinnaallunilu allassinnaaneq kiisalu minnerpaamik kalaallisut oqalussinnaaneq piumasaqaataapput pisariallit.

Taamaammat Greenland Travel toqqassavat

Uatsinni aqutsisunnguinnarnak annertunerusumik pissarsissaatit

Suliffeqarfiup immikkoortuani, mittarfittaarnikkut nunatsinnut inuussutissarsiummullu atatillugu, angalasunut, nunatsinnik ataatsimuulersitsinissamut inuiaqatigiinnilu ataatsimuussutsip nukittoqutaanik annertusaanissamut nutaanik periarfissiisunut sunniuteqarnissamut periarfissinneqassaatit.

Aqutsisoqatigiinnut, nalerisimaarnermik qaffasissumillu pitsaassusulimmik suleriaaseqarnermik inerisaanermillu qitiutitsivimmi akuulissaatit.

Atorfininnermi atugassarititaasunik pitsaasunik neqeroorpugut, soraarnerussutisiassanut tunngatillugu aaqqissuussineq sillimasiissummik ilaqartoq kiisalu ilinniagaqassutsikkut inuttullu ineriartornissamut periarfissagissaarneq. Assersuutigalugu ilutsinni aqutsisutut inerisarnermi nutaarluinnarmi, aqutsinermi siunnersortitsinnit avataaneersumit aqunneqartumi, novembari qaammat 2026 aallartittussami peqataassaatit.

Qinnuteqaat

Atorfik pillugu apeqqutissaqaruit pisortaaneq Mikkel Søndergård mailikkut: mks@greenland-travel.gl imal. Oqarasuaatikkut: +299 38 44 85 attavigisinnaavat.

Qinnuteqaatit uunga nassiuguk: Qullersanut siunnersuisoqarfimmi pisortaq Tina Mogensen tm@greenland-travel.dk. Qinnuteqarfissamut killigititaq: 28. august, 2026.

Qinnuteqaatit ataavartumik suliarissagatsigik piaarnerpaamik qinnuteqarnissannik kaammattorpatsigit.

Atorfiniffissaq kingusinnerpaamik: 1/11-2026.

Greenland Travel
Greenland Travel nunatsinni angalatitsivinni siuttuuvoq suliffeqarfissuarmullu Air Greenland-imut ilaalluni. Nunatsinni, Danmarkimi nunarsuullu sinnerani sullitat inuussutissarsiutilittut angalanernik, ataatsimoorluni angalanernik feeriamilu misigisassarsiornernik tuniussisarpoq.

Nuummi, Sisimiuni, Ilulissani, Qaqortumi Københavnimilu allaffeqarluta, sullitatsinnut inuiaqatigiinnullu iluaqutaasussamik, ullut tamaasa nunatsinniit nunatsinnullu angalasinnaanermik annertusaaniarluta sulisut 55-it missaanniippugut.