Tapersiinissamut isumaqatigiissutit

Sunniuteqarpugut

Greenland Travel ukiut tamaasa tapersiinissaq pillugu isumaqatigiissusiornissamut qinnuteqaatinik amerlasuunik tigusaqartarpoq. Qinnuteqaatit pitsaalluinnartut amerlapput, ajoraluartumilli tamakkerlugit tapiiffigisinnaanngilagut.

Air Greenland Group-imi suleqatigiillutik aningaasatigut tapiissuteqartartunut ataatsimoortunut ilaavugut. Tamanna suliffeqarfissuarmi ingerlatseqatigiiffiit allat peqatigalugit, aningaasat ataatsimut katittarnerannik qinnuteqaatillu ataatsimut suliarisarnerannik isumaqarpoq – Taamaaliornikkut aningaasaliissutissat annertunerulerput illillu suliffeqarfissuup immikkoortuinut assigiinngitsunut qinuteqartariaqanngilatit.  Tamatumani, ingerlatsinerup- qunnuteqartunut uatsinnullu pisariinnerulersinnissaa paasilertoruminarnerunissaalu, siunertaavoq. Taamaammat siunissami qinnuteqartut ataasiinnaamut qinnuteqartalissapput qinnuteqaatillu ataatsimut suliarineqatalissallutik.

Tapersiisarneq pillugu ataatsimiititaliaq Air Greenlandimit, Greenland Travelimit, Arctic Excursionsimit, Hotel Arcticimit World of Greenlandimiillu sinniisunik ilaasortaqarpoq.

Qinnuteqarfissaq kingulleq akissutisinissarlu

Tapersiisarneq pillugu ataatsimiititaliami ukiumut tallimariarluni ataatsimiittoqartarpoq:

Juullikkunni tapiissutit:
Qinnuteqarfissaq kingulleq 20. november – akissutisinissaq 1. december.

Suut pingaartippagut?

Greenland Travelimi makku ukkanneqarput:

• Sammisat meeqqanut inuusuttunullu sapinngisamik amerlanerpaanut sunniuteqartut
• Suliniutit nunatsinnit aallaaveqartut
• Suliniutit amerlasuunut iluaqutaasussat

Tapiissutitta assigiinngitsorpassuarnut anngunnissaat qulakkeerniarlugu, inuit ataasiakkaat suliniutaannut tapiisanngilagut imal.  angalanernut tapiisarata.

Pingaarutilik: ILIK-bilitsit

Air Greenland sap. ak. tamaasa angalanissanut tapiiffigineqarnissamut qinnuteqaaterpassuarnik tigusaqartarpoq. Tamanna paasisinnaalluarparput – nunarpummi tamakkerlugu atassusiivugut. Kissaatigineqartulli tamaasa eqquutissinnaanngilagut.

Taamaammat ILIK-bilitsinut, nunatsinni ilinniartunut, timersornermut kulturimullu tunngasunik tapersiinissamut immikkut aningasaliivugut. Tassani 75%-it pallillugit akikilliliivigineqarsinnaavutit.

ILIK-qulequtsiullugu aaqqissuussineq aningaasanik annertuunik atuiffiummat, klassimi atuartunut assigisaannullu eqqugassanik tapiissuteqartanngilagut.

Ima qinnuteqassaatit

Qinnuteqaatinni makku ilaassapput:

• Suliniutip naatsumik nassuiarneqarnera
• Aningaasartuutissanut missingersuut, isertitassatut aningaasartuutissatullu naatsorsuutigisanik imalik
• Kikkut qaqugulu angalanissaat pillugu paasissutissat
• Nalilimmik illuatungiliinermik nassuiaaneq – tamatumunngalu atatillugu tapiissuteqarnerup Greenland Travelip nittarsaassineranut qanoq ilanngunneqarsinnaanera

Paasissutissat tamakku katersoreerukkit qinnuteqaatit uunga nassiussinnaavat: sponsor@airgreenland.gl

Qinnuteqaatit Greenland Travelimut nassiussat- qinnuteqaatit tamarmik ataatsimut suliarineqarnissaat siunertaralugu- siunissami mailimut tassunga ingerlateqqittassavagut.

Saaffiginnissutit tamaasa akissuteqarfiginiassavagut illillu qinnuteqaativit atuarnissaa qilanaaraarput.