Atorfiit inuttassarsiuussat

Nuummi immikkoortortatsinnut eqeersimaartumut suleqatigiinnik aqutsisoq

Nuummi immikkoortortatsinnut suleqatigiinnik aqutsisussamik pissarsiorpugut. Isumassarsiullaqqissuuit, angusaqarusussuseqarpit aqqusaartugassanik ataqatigiissaarinermut kakkattuuit ataatsimullu isiginnissinnaavit? Taamaassappat tassaasinnaavutit Nuummi immikkoortortatsinni suleqatigiinnut aqutsisussatut pissarsiariniagarput.

Uatsinni sullitaq qitiuvoq, immikkoortortamilu suleqatitit peqatigalugit siunnersuinermik kiffartuussinermillu immikkut ittumik, qaffasissumik pitsaassusilimmik, tunniussisinnaassaatit.

Sullitanik, suleqatigisartakkanik Greenland Travelimi Air Greenland Group-imilu suleqatinik qanimut suleqateqartussaassaatit.

Ilinniakkat tunuliaqutaralugit sulisut pingasut akisussaaffigissavatit.

Immikkoortortarput ineriartupiloorpoq, suliassat suliniutillu ilaat immikkoortortamiillutillu suleqatigiinniittut tassaapput:

• Ataatsimoorluni angalanerit nalinginnaasut
• Nunatsinni angalanissanik pilersitsineq nunattalu avataanut angalaneq
• MICE
• Tuniniaaneq
• Nunatsinni niuernermut immikkoortortatsinnik sunngiffimmilu angalanernut immikkoortortatsinnik qanimut siunersioqateqarneq
• Attaveqatigiinnermi paasissutisseeriaaseq/Visual Management

Pissarsiariniagarput:

• Suleqatigiinnik aqutsisutut, immikkoortortami sulisut peeqatigalugit, tuniniaanermi suliassanik takkuttunik isumaginnissaaq anguniakkattalu anginissaannik qulakkeeraluni.
• Københavnimi sunngiffimmi angalanernut immikkoortortarput suleqatigalugu periutsinik nutaanik inerisaaqataassaaq, tuniniagassatut siunniussatta angunissaannik suleqatigiillu tamarmik suliassanik tuniniakkanillu ilisimaarinninnissaannik qulakkeerissaaq.
• Sunngiffimmi angalanernut immikkoortortarput suleqatigalugu siunnerfilimmik tuniniaanermik ukkassissaaq.
• Saqqummersitsinerni peqataasarnerit immikkoortortami suliassanut ilaammata nuannersutut naliqalersitsisutullu isigissavai.
• Immikkoortortami kajumissutsimik annertuumik inerisaanermillu qulakkeereqataassaaq
• Sullissinermut annertuumik pingaartitsineq ilisarnaatigissavaa
• Angalatitsivimmit misilittagaqarnerup saniatigut ajornanngippat Amadeus & Focal Scope misilittagartuutut atuisunut ikiuuttuussaaq D365-imillu ilisimaarinnittuulluni.

Neqeroorutigaagut:

• Suliffeqarfissuarmi pissanganartumi nukittuumik anguniagassatut takorluugalimmi suliffik eqeersimaartoq ineriartorfissarlu.
• Nammineq suleqatigiiillu suliassaannik annertuumik eqaassusilimmik aaqqissuussisinnaaneq.
• Suleqatigiinnut aqutsisut allat peqatigalugit inerisaanermut ullorititani kiisalu ukiumut ataasiarluni marloriarluniluunniit sulisunut aaqqissuussinerni peqataaneq.
• Sullivimmi avatangiisini iluarisamik attavigiiffiusuni pissutsit eqaatsut nammineq sunniuteqarfiginissaat inerisarsinnaanissaallu.
• Immikkoortortami ineriartupiloortumi suleqatigiit tunniusimasut tapersersuisullu.
• Akissarsiat kajungernartut soraarnerussutisiartallit.

Aaqqissuussaanikkut Nuummi angalatitsivimmi pisortatta Mari Louise Nissenip ataani inisisimassaatit. Unammilligassaq suleqatigiinnullu akuulernissaq piareersimaffigigukku, qinnuteqaatit tunngavilersugaq CV-lu sulisoqarnermut pisortatsinnut Tina Mogensenimut mailikkut: TM@greenland-travel.dk. nassiutissavat. Qinnuteqaatit takkuttut ataavartumik suliarineqassapput.

Suliffik pillugu apeqqutissaqaruit, Mari Louise Nissen oqarasuaatikkut:+299 348572 imal. mailikkut: MLN@greenland-travel.gl attavigisinnaavat.

Qinnuteqarfissaq kingulleq: 25. april, 2025.

Greenland Travelimi inuussutissarsiummut atatillugu nunatsinni Danmarkimilu sullitanut angalanernik isumaginnittuuvugut. Tamatuma saniatigut privatinut takornarianullu nunatsinni misigisassarsiorusuttunut, angalanernik ataatsimoortunik ataasiakkaanullu angalanissanik isumaginnittuuvugut. Suliffeqarfiuvugut ingerlalluartoq, inuiaqatigiinnik soqutiginnittoq, naleqartitanik pitsaasunik sullitanullu suleqatigisartakkanullu sivisuumik attaveqarnermik ukkassisoq.

Sulisut tunniusimasut piginnaaneqartullu; Nuummi, Sisimiuni, Ilulissani Københavnimilu allaffeqartut katilluta 52-iuvugut. Greenland Travel Air Greenland Groupimut ilaavoq.

Københavnimi inuussutissarsiutilinnut sullisivitsinni uummaarissumi angalanissanut siunnersorti 

Suliffeqarfimmi pissanganartumi isumalimmilu nunarput qitiutillugu sulerusuppit? Nunani tamalaani timmisartuni inissanik tuniniaaneq misilittagaqarfigaajuk sullitanillu pitsaanerpaamik kiffartuussineq nuannarilluinnagaraajuk? Taamaassappat tassaasinnaavutit Københavnimi inuussutissarsiutilinnut immikkoortortatsinni sulisussarsiariniagarput.

Greenland Travelimi angalanissanut siunnersortitut suleqatigiinnut pimoorussisunut, Danmarkimi nunatsinnilu inuussutissarsiutilittut sullitatsinnik kiffartuussisunut ilaalissaatit. Qaffasissumik pitsaassusilimmik siunnersuisinnaassaatit, ataatsimut isiginnilersitsisinnaassaatit angalanissanillu pisisussat immikkut pisariaqartitaannut naleqqussaallutit. Ulluinnaat tamatigoortut allanngorartuartullu– suleqatillu suliaminnik soqutiginnilluinnartut neqeroorutigaagut.

Uatsinni sullitaq qitiutinneqarpoq, illillu Danmarkimi nunatsinnilu suleqatitit peqatigalugit qaffasissumik pitsaassusilimmik immikkut ittumik siunnersuisinnaassaatit kiffartuussisinnaassallutillu.

Pissarsiariniagarput:

• Nunani tamalaani timmisartuni inissanik tuniniaanermik misilittagaqarpoq
• Amadeusimi misilittagartuutut atuisunut ikiuuttartuuvoq
• D365-imik ilisimannippoq
• Qaffasissumik pitsaassusilimmik angalanissanut siunnersuinissamut kajumissuseqarpoq
• Kiffartuussineq inunnguutsiminik piginnaasaqarfigaa
• Angalatitsivimmi suliffimmik tamatigut nal. 8-16 suliffiusanngitsumik iluarinnippoq
• Danskisut, tuluttut ajornanngippallu kalaallisut oqaatsinik atuisinnaavoq
• Misigittartuuvoq, naalaartoq sullitattalu pisariaqartitaannik qulaajaasinnaalluni
• Isumassarsiullaqissuuvoq angusaqarusussuseqarlunilu, pitsaanerpaamillu ataqatigiissaarineq ataatsimullu isiginnissinnaaneq pikkoriffigalugit.

Suliassat pingaarnerit tassaassapput:

• Timmisartumi akunnittarfimmilu inissanut, biilinut attartugassanut sillimasiissutissanullu tunngasunik siunnersuineq inniminniinerlu
• Angalanissanut aaqqissuussinernik annertuunik ataqatigiissaarineq
• Suleqatigisartakkanut pilersuisunullu qaninut attaveqarneq
• Inuussutissarsiutilittut sullitanik oqarasuaatikkut mailikkullu kiffartuussineq
• Suleqatigiinni ulapaartuni- tapersersuisunili- ulluinarni suleqataaneq

Neqeroorutigaagut:

• Suliffeqarfimmi naleqartitanit ingerlanneqartumi, nukittuumik siunertalimmi, suliffik pissanganartoq
• Akissarsiat kajungernartut soraarnerussutisiartallit
• Sullivimmi avatangiisini iluarisamik attavigiiffiusuni pissutsit eqaatsut nammineq sunniuteqarfiginissaat inerisarsinnaanissaallu.
• Ilinniagaqassutsikkut inuttullu ineriartornissamut periarfissagissaarneq
• Suliffik Christianshavnip eqqaani alianaatsumi inissisimasoq
• Suliffeqarfissuarmi Air Greenland-imi inuussutissarsiutilinnut immikkoortortami alliartuinnartumi suleqataalernissaq.

Aaqqissuussanikkut, Nuummi angalatitsivimmi pisortatta Mari Louise Nissen-ip ataani inissisimassaatit. Qinnuteqaativit tunngavilersukkap CV-llu, sulisoqarnermut pisortatsinnut Tina Mogensenimut: TM@greenland-travel.dk nassiussassavit, tigunissaat qilanaaraarput.

Qinnuteqartunik oqaloqateqarnerit ataavartumik ingerlanneqassammata, qinnuteqaatit piaartumik nassiussinnaavat. Atorfik pillugu apeqqutissaqaruit suleqatigiinnik aqutsisoq Helle Bach Københavnimiittoq oqarasuaatikkut: +45 3376 6229 attavigiinnariaavat.

Qinnuteqarfissaq kingulleq: 28. april 2025

Greenland Travelimi inuussutissarsiummut atatillugu nunatsinni Danmarkimilu sullitanut angalanernik isumaginnittuuvugut. Tamatuma saniatigut privatinut takornarianullu nunatsinni misigisassarsiorusuttunut, angalanernik ataatsimoortunik ataasiakkaanullu angalanissanik isumaginnittuuvugut. Naleqartitagut - sullitanullu suleqatigisartakkanullu ataatsimoornermik, ilinniagaqassutsimik attaveqatigiinnernillu nukittuunik- tunngaveqarput.

Sulisut tunniusimasut piginnaaneqartullu; Nuummi, Sisimiuni, Ilulissani Københavnimilu allaffeqartut katilluta 52-iuvugut. Greenland Travel, Air Greenland Groupimut ilaavoq.