Atorfiit inuttassarsiuussat

Air Greenland Group-imi tuniniaasoq

Tuniniaasutut anguniagaqarumatuujullutillu angusaqarusussuseqarpit ornigullunilu tuniniaanermi uppernarsineqarsinnaasunik angusaqarnermik milisittagaqarpit?
Tuniniaasumik pimoorussisumik, unnuisarfittut neqeroorutitsinnik, timmisartuussinitsinnik, angalanernik- ineqarneq allallu angalanermut tunngasut pingaarnerit ilanngullugit- tuniniakkatsinnik assissaqanngitsunik tuniniaasinnaasumik pissarsiorpugut. Air Greenland Groupip ilisarnaatai tamatumunngalu atatillugu Hotel Arctic, Glacier Lodge Eqi, Ilimanaq Lodge amma Igloo Lodge, kiisalu Air Greenland- timmisartuussinernik neqeroortoq- suleqatigissavatit. Tamatuma saniatigut tuniniagassatit tassaapput misigisassarsiornerit unnuinernik timmisartornernillu ilallit.

Air Greenland Group tassaapput nunatsinni takornariartitsinermi maanna ineriartupiloortumi ilisarnaatit nukittuut arlallit:

• Air Greenland – nunatta timmisartortitseqatigiiffia, nunatsinnik nunanut allanut atassusiisoq nunatsinnilu namminermi timmisartuussinernik neqeroortoq
• Greenland Travel – nunatsinni angalatitsiviit annersaat
• Hotel Arctic – Nunatsinni akunnittarfiit pitsaanersaat
• World of Greenland – nunap timaani illuaraqarfiit assissaqanngitsut pingasut: Glacier Lodge Eqi, Ilimanaq Lodge kiisalu Igloo Lodge
• Arctic Excursions – angallassinernik tuniniaasunut 100-init amerlanerusunut internetsikkut tuniniaavik

Tamatta, takornarialerinermi suleqatigiinnut, suliffeqarfiup nioqqutaanik naleqalersitsisunut nukittuunut, najukkami aallaavilinnut, ilaavugut. Tamatuma, nunatsinni takornarialerinerup inerisarnissaanut nujakkanilu suliaqarfitsinni aningaasaqarnikkut iluaqutaasumik ingerlatsisuunissamut, assissaqanngitsumik periarfissippaatigut. Nunatta kivinnissaa anguniakkatut takorluugaraarput.

Suliassatit pingaarnerit

Air Greenland Groupimi tuniniaasutut suliffeqarfitta ineriartortinneqarnerani qitiusumik inissisimaffeqassaatit. Suliassatit pingaarnerit makkuussapput:

• Danmarkimi nunanilu allani ornigulluni tuniniaaneq
• Sullitassanik nutaanik pilersitsineq
• Saqqummersitsinerni ataatsimeersuarnernilu peqataaneq
• Niuerfissanik nutaanik inerisaaneq
• Isumaqatigiinniarneq
• Misigisassarsiornernik, unnuinernik timmisartuussinernillu ataatsimoortitsisunik tuniniaaneq

Atorfimmut atatillugu- ilaatigut sullitat tikillugit, malitseqartitsinernut, saqqummersitsisunut ataatsimeersuarnernullu peqataanissanut atatillugu angalangaatsiartarnissaq naatsorsuutigineqassaaq. Suliat Danmarkimiit ingerlanneqassapput tuniniagassanik ilisimanninneq suleqatigiinnerlu nukittooq attatiinnarniarlugu, nunatsinnut aamma angalasoqartassaaq.
Københavnimi Greenland Travelimi sulinerit aallaaveqassaaq. Atorfilli annertuumik eqaassusilimmik angerlarsimaffimmiillu sulisinnaanermik periarfissiisumik aaqqissuussaavoq

Illit

• Tuniniagassatut anguniakkat angunissaannit qaangernissaannillu ingerlatinneqarputit
• Angusaqarnissannik ukkassisuuvutit, tamaviaarnartulimmilu sulinissamut piginnaaneqarlutit
• Inussiarnersuuvutit attaveqarfinnillu pilersitsineq attassinerlu pikkoriffigalugit
• Piffissanut suliffiusunut angalanernullu tunngatillugu eqaatsumik periuseqarputit
• Tuniniaanermut atatillugu siunniusseriaatsinni nutaaliortuuvutit
• Angalatitsinermi misigisassarsiortitsinermilu nunani tamalaani B2B-tuniniaaneq uppernarsaatitalimmik misilittagaqarfigaat
• Allakkatigut oqaatsitigullu attaveqatigiinneq piginnaaneqarluarfigaat, danskisut tuluttullu oqallorissuuvutit.
• Kalaallisut oqalusinnaaguit iluaqutaassaaq
• Ajornanngippat angalatitsinermut, akunnittarfinnut taamaaqataannulluunniit saaffiginnissuteqarluni tuniniaaneq misilittagaqarfigaat
• Qarasaasiakkut sullississutinik CRM-inik atuineq- soqutiginnittunillu sullitanillu malitseqartitsinissamut tuniniaanermi sakkussat allat- misilittagaqarfigaatit

Nunatsinnit misilittagaqarneq iluaqutassaaq.

Neqeroorutigaagut

• Suliffeqarfissuarmi pissanganartumi nukittuumik isumalimmillu anguniakkatut takorluugalimmi, atorfik uummaarissoq ineriartorfissalillu.
• Nunarsuarmi angalanermi misigisassat immikkuullarinnerpaat ilaannik suliaqarnissamut periarfissiineq.
• Suliffeqarfimmi suliffeqarfissuarmilu suleqatigiit nukittuut tapersersuisullu.
• Eqaatsumik nammineq suliassanik aaqqissuussisinnaanermut annertuumik periarfisinneqarneq.
• Akissarsiat unammillersinnaasut isumaqatigiissuteqarnikkullu soraarnerusutisiassat

Unammilligassinneqarnissannut, suleqatigiitsialassuarnut ilanngunnissannut nunatsinnilu takornarialerinermik inerisaaqataanissamut piareersimavit? Atorfik soqutigisukku apeqqutissaqaruilluunniit pisortaq Peter Simonsen oqarasuaatikkut: + 45 3376 6247 attavigisinnaavat.

Qinnuteqaativit, CV-ip assivillu uunga mailikkut nassiuteqquneqartut tigunissaat qilanaaraarput: Greenland Travelimi sulisoqarnermut pisortaq Tina Mogensen: TM@greenland-travel.dk.

Qinnuteqaatit ataavartumik suliarineqassapput, qinnuteqarfissarli kingulleq tassaavoq 27. marts 2025.

Uagut

Greenland Travel nunatsinni Danmarkimilu inuussutissarsiutilittut sullitanut angalatitsisuuvoq, inuussutissarsiornermullu immikkoortortatsinni angalatitsivimmi qarasaasiakkut sullississutit pingaarnersaasa atornissaat ilinniassavat. Tamatuma saniatigut takornarianut nunatsinnut misigisassarsiorusuttunut angalanermik, ineqarnermik allanillu angalanermut tunngasunik pingaarnernik ataatsimoortunik ataasiakkaanillu tunisisarpugut. Niuerfiit taakku marluk annertusiartorput.

Greenland Travel Air Greenland-imut ilaavoq.

Nunarput tamakkerlugu pisortat namminersortullu suliffeqarfiutaat kiffartuuppagut. Suliffeqarfiuvugut ingerlalluartoq inuiaqatigiinnik soqutiginnittoq, sullitanut suleqatigisanullu pitsaasumik aalajaatsumillu attaveqarnermik qitiutitsisoq.

45-it missaannik, suliaminnut tunniusimasunik piginnaanilinnillu; Københavnimi, Nuummi, Sisimiuni Ilulissanilu allaffitsinnut agguataarsimasunik, sulisoqarpugut.

Quppernermi matumani suliffiit inuttassarsiuunneqartarput. Inuttassarsiuussat arlaat ilinnut illillu piginnaasannut naleqquppa? Taamaassappat qinnuteqaatit CV-llu nassiussinnaavatit. Inuttassarsiuussinngikkaluartugut qinnuteqaatinnik nassissinnaavatsigut.

Tusarfiginissat qilanaaraarput!