NAIA Support – Kalaallisut

Nittartagatigut inniminniisarfimmut ikiortissarsioruit paasissutissat uku maaniipput

Support-ilerisunut saaffiginniffissat

Apeqqutissaqaruit supportilerisut saaffigisinnaavatit ikiortinniarlutit.

Email: support@greenland-travel.gl

Telefon: +299 38 30 70

Ilitsersuutit

Uani inniminniisarfitsinnut NAIA-mut ilitsersuut downloadersinnaavat.

Download NAIA manual

Siunnersuutit apeqqutigineqarnerpaanullu akissutissat

Mobil-ip normua sorleq ikkutissuara?
Timmisartuutsitseqatigiit angalasutik kinguaattoortoqartillugu atassutigerusuttarpaat, taamaammat pingaaruteqarpoq angalasuusussap mobil normua ikkunneqarnissaa. Profilernut ikkussinnaavat.

Mobil-ip normua qanoq ikkutissuara?

Normua akunneqanngitsumik ikkunneqassaaq, soorlu: +299123456 imaluunniit +4512345678.

Nunatsinniit nunanut allanut angalanissanik inniminniineq
Nunatsinniit nunanut allanut angalanissanik inniminniileruit angalanissat immikkoortillugit ujassavatit. Tamanna peqqutaavoq timmisartuutsitseqatigiit ilai isumaqatigiissuteqannginnamik. Soorlu Nuuk-New York ujarsinnaanngilat, Air Greenland-i timmisartuutsitseqatigiinnut tamanut isumaqatigiissuteqanngimmat, ingammik akikinnernut.

Ujaasinissamut assersuut Nuuk – New York siumut utimullu angalanissamut ujaasiniaruit

* Nuuk – København – Nuuk, inniminnereerpallu ”Tilføj fly” tooriarlugu angalanissap sinnera ilanngullugu:
* København – New York – København

Ujaasinissamut assersuut Sisimiuniit Karup-imut angalanissamut ujaasiniaruit

* Sisimiut – København
* København – Karup

Issiavinnik inniminniineq
Timmisartornissanut periarfissalinnut nammineq issiavissanik aalajangiisinnaavutit. Maluginiassavat timmisartuutsitseqatigiit ilaasa tamanna akeqartissinnaasaraa.

Immikkut nerisassanik inniminniineq
Sapigaqartuuguit periarfissaavoq immikkut nerisassanik inniminniinissaq, soorlu Air Greenland-ip timmisartuussinerannut vegetar, glutenfri imaluunniit laktosefri periarfissaapput. Profil-ernut ikkussinnaavat, taava inniminniileraangavit tamatigut ilannguttassaaq. Malugissavat nerisassat immikkoortut timmisartuutsitseqatigiinni assigiinngitsuni assigiinngissinnaammata.

Qaqugukkut billetsi sananeqartarpa?
Billetsit akunneq affakkaarlugit nammineq sanasarput, taamaammat ullup ukiullu ingerlanerani qaqugukkulluunnit inniminniisinnaavutit.