Aasianni akunnittarfiit

Hotel Søma Aasiaat

Hotel Søma Aasiaat ilaqutariinnut akunnittarfiuvoq alianaalluinnartoq 52-inik pitsaassutsimikkut sisamanut immikkoortitikkanik initalik. Inissat illutaanut immikkoortortaatalu qanittuaniittup akornanni agguataagaapput. Ulloq unnuarlu ammasartumik kaffisorniarfeqarpoq ullorlu naallugu nerisaqarfiusinnaalluni. Hotel Søma Aasiaat akunnittarfittut pitsaassutsimigut pingasunik ullorialigaavoq. Illutaani marlunnik ilorrisimaarnarnerpaanik ineqarpoq. Taakku ilusilersuisartunit ilusilikkanik pequsersugaapput, angisumik uffarneqarlutik, nillataartitsiveqarlutik, 32” satellitTV- qarlutik il.il. soorunalumi immamut isikkiveqarlutik.

Inissat nalinginnaasunit pitsaanerit Standard PLUS-it nutaaliaasut kusanartunik ilusilersuiasartut ilusiligaannik pequtitallit, 32” satellitTV-llit, innaallagissamoortumik imermut qalatitsivillit kaffiliassallit tiiliassallillu, angisuumillu qaamasumik uffarfillit 18-iupput. Inini marluuttarissani immikkut ataatsimik siniffiliortoqarsinnaavoq.

Inissat nalinginnaasut 18-it qaamasuupput immikkut perusuersartarfillit uffarfillillu, 28” satellitTV-llit innaallagissamoortumillu qalatitsissutillit kaffiliassaqarlutillu tiiliassallit. Taakku ilaat illutaaniipput ilaallu qanittuani immikkoortumiillutik. (Inini nalinginnaasuni TV-it satelitsinut attavilinnik kanaleqanngillat).

Piffissami sivisunerusumi tassaniissaguit Hotel Søma Aasiaat immikkoortumi illutaanut qanittumi inissat ullaakkorsiornertallit imal. inissiat pingasunik initallit nuannersut arlaat- tamarmik immikkut tiiliorfissamik igafeerallit marlunnik igaanut kissaavissallit (kogeplade), iffiorfeerallit, innaallagissamoortumik imermut qalatitsivillit inunnullu sisamanut nerinermi atortussallit aamma innersuussinnaavagut.