Københavnimi sinilluarit

Ini pitsaasoq qaninnersiorfigiuk

Pisarissersuutit qaangiinnarlugit najorusutanni unnuinissat qulakkeeruk. Akunnittarfiit ilisimavavut – aamma qallikkut takusinnaasat nittartakkallu kusanartorsuit tunuini pissutsit – aamma aningaasaatitit atorlugit sumi pissarsinerpaasinnaanersutit ilisimavarput. Taamaattumik akunnittarfik isummannut aningaasivinnullu naleqqulluinnartoq ilinnut inniminnersinnaavarput.

Kalaallit Nunaanni, Danmarkimi nunanilu allani akunnittarfinnut attavippassuavut atorlugit sumulluunniit angalagaluaruit atugassaqarluarnissannik neriorsorsinnaavatsigit. Inissiffigisinnaasannik isumassarsiaqaruit kissaateqaruilluunniit naammassisinnaavarput – akillu pitsaanerpaanissaannik qulakkeerissussinnaavatsigit.

Københavnimi sinilluarit

Københavnimi akunnittarfiit amerlanersaat suleqatigaavut, aammalu sullitatta kissaataat aallaavigalugit pileriginerusatsinnik toqqartuisimavugut. Nammineerluta akunnittarfinni illoqarfimmi qiterpasinnerusumiittuni aammalu naammaginartunik akilinni najugaqarnissarput piumanerusarparput, taamaattumillu taakkununnga neqeroorfigerusuppatsigit. Kissaatitit aningaasiviillu malilluinnarlugit akunnittarfimmi unnuisinnaavutit

Akunnittarfinni pitsaasuni toqqarneqartuni akit pitsaasut

Københavnimi illoqarfiup akunnittarfiisa pitsaanerpaat ilaannik suleqateqarpugut, taamaattumillu pilerinartumik unnuiffissaqarnissat tamatigut neqeroorutigisinnaavarput.

KØBENHAVNIMI MITTARFIMMUT QANITTUMI

• Comfort Hotel Copenhagen Airport – mittarfiup eqqaani akigissaarlunilu pisariitsoq
• Clarion Hotel Copenhagen Airport – mittarfimmut toqqaannartumik atassutilik
• Scandic CPH Strandpark – mittarfimmut, metromut Øresundimullu qanittumiittoq

HOVEDBANEGÅRDIP EQQAANI

• Scandic Copenhagen – Københavnip qeqqani tatsit Vesterbrollu eqqaanni
• Tivoli Hotel – akunnittarfik ilaqutariinnut piukkunnartoq Københavnip qeqqanut qanittumiittoq
• Wakeup Copenhagen Bernstorffsgade –Hovedbanegårdimut Tivolimullu qanittumiittoq
• Comfort Hotel Vesterbro – akigissaartoq Vesterbro-ip qeqqaniittoq

KONGENS NYTORVIP EQQAANI

• Wakeup Copenhagen Borgergade – illoqarfiup qeqqaniittoq akigissaartorlu

FIELDSIP EQQAANI

• Crowne Plaza Copenhagen Towers – ilorrisimaarnartoq Ørestadimiittoq

KØBENHAVNIMI MITTARFIMMUT QANITTUMI

Comfort Hotel Copenhagen Airport – mittarfiup eqqaani akigissaarlunilu pisariitsoq

Comfort Hotel Copenhagen Airport Københavnimi mittarfiup illorsuartaaniit minutsit tallimaannaat missiliorlugit pisulluni tikitassaammat, ullaakkut aallajaassaguit imal. kingusissukkut Københavnimut tikissaguit toqqagassaqqissuuvoq. Tamatuma peqatigisaanik mittarfiup eqqaani metroqarlunilu qimutsuitsoqarpoq metromillu minutsit aqqaneq marluk missiliuinnarlugit Københavnip qeqqanut ingerlasoqarsinnaalluni.

Akunnittarfik nutaaliaasoq 605-inik, ininut quleriinnut aqqanilinnut agguataarsimasunik initaqarpoq. Ilusaa nalinginnaasuuvoq, ilaatigut timigissartarfeqarluni, ulloq unnuarlu ammasartumik saaffiginnittarfeqarluni, tamulugassanik nerisassanillu annikitsunik pisiniarfigisinnaasannittaaq saaffiginnittarfiuutigalunilu imerniartarfeqarluni. Akunnittarfik, Københavnip qeqqaniinnermiit mittarfimmut qanittumiinnissaq pingaarneruppat, toqqagassaqqissuuvoq.

Akiata qaffasissusaa: Akunnattoq

Clarion Hotel Copenhagen Airport – mittarfimmut toqqaannartumik atassutilik

Clarion Hotel Copenhagen Airport Københavnimi mittarfiup eqqannguaniippoq mittarfiup illorsuartaani Terminal 3-mit toqqaannartumik qulisakkoorluni tikinneqarsinnaasoq. Ullaakkut aallajaassaguit imal. kingusissukkut Københavnimut tikissaguit toqqagassaqqissuuvoq. Mittarfiup eqqaani metro-qarlunilu qimutsuitsoqarpoq metromillu minutsit aqqaneq marluk missiliuinnarlugit Københavnip qeqqanut ingerlasoqarsinnaalluni.

Akunnittarfik angisuunik nutaalianik initaqarpoq, neriniartarfeqarluni, imerniartarfeqarluni timigissartarfeqarlunilu iluarusuffissaqarluni, ilaatigut illup iluani naluttarfeqarluni saunaqarlunilu. Angalaneq ullaakkut nanginneqassappat ullaaralaakkut ullaakkorsiutissanik sassaallertoqartarnera iluarinarpoq.

Clarion ilorrisimaarluarumaguit, siullertut pingaarnertullu mittarfimmut sapinngisamik qanittumi najugaqarusukkuit toqqagassaqqissuuvoq.

Akiata qaffasissusaa: Qaffasissoq

Scandic CPH Strandpark – mittarfimmut, metromut Øresundimullu qanittumiittoq

Scandic CPH Strandpark Øresundip eqqaaniippoq Københavnimi mittarfimmut, Den Blå Planetimut Amager Strandparkimullu qanittumiilluni. Kastrup Metrostationi akunnittarfimmiit 400 meterit missaannik ungasissusilimmiippoq, tassanngaanniillu Københavnip qeqqa, minutsit aqqaneq marluk missaanni angalanikkut tikinneqarsinnaalluni. Mittarfik metrop ataasiarluni uninnerani tikinneqarsinnaavoq.

Akunnittarfik- immamit sissamiillu isumassasiorfiusunik- qaamasunik nutaalianik initaqarpoq, inillu arlallit ataatsimoorfiusartullu Øresundimut isikkiveqarput. Tassaniipput neriniartarfik, imerniartarfik, timigissartarfik iluarusuffissarlu akunnittarfiullu initaani qullerpaami imerniartarfeqarluni. Tamakku saniatigut bussit mittarfimmut mittarfimmiillu, piffissani aalajangersimasuni siumut inniminniinikkut, akeqanngitsumik angallassisarput.

Immikkut ilorrisimaarsinnaaneq avatangiisigissaarnerlu attatiinnarlugit mittarfimmut qanittumiikkusukkuit Scandic CPH Strandpark toqqagassatsialaavoq.

Akiata qaffasissusaa: Qaffasissoq - akunnattoq

HOVEDBANEGÅRDIP EQQAANI

Scandic Copenhagen – Københavnip qeqqani tatsit Vesterbrollu eqqaanni

Scandic Copenhagen, Københavnip qeqqani tasersuup Sankt Jørgens Sø-ip eqqaani, Vesterbromut, Tivolimut Københavnimilu qimutsuitsut unittarfiannut Hovedbanegårdimut qanittumi inissisimavoq. Tassanngaanniit illoqarfimmi takornariagassat, neriniartarfiit pisiniarfiillu amerlanersaannut ingerlasinnaavutit, Hovedbanegårdi Vesterport Stationilu qanittumiimmata, mittarfimmut mittarfimiillu angalanissaq pisariippoq.

Akunnittarfik 18-inik quleriinnik initaqarluni Danmarkimi Scandic-hotelini portunersaavoq 486-inillu nutaaliaasunik initaqarluni. Init amerlasuut tatsinut imal. Københavnip napasuliaanut isikkivigissuupput. Akunnittarfik neriniartarfeqarpoq, torsuusami imerniartarfearpoq, timigissartarfeqarpoq saunaqarpoq biilinullu uninngavissaqarluni. Scandic-ip ininut akigititaanut nalinginnaasunut ullaakkorsiorneq ilaareerpoq.

Akunnittarfik tamatigoortoq, ilinnut siullertut pingaarnertullu qitiusumi inissisimanissamik illoqarfimmullu bussit taamaaqataallu atorlugit pisariitsumik periarfissaqarnissamik kissaateqartumut, piukkunnartuuvoq.

Akiata qaffasissusaa: Qaffasissoq - akunnattoq

Tivoli Hotel – akunnittarfik ilaqutariinnut piukkunnartoq Københavnip qeqqanut qanittumiittoq

Tivoli Hotel Københavnimi umiarsualivimmut qanittumi, Hovedbanegårdimiit minutsit qulit missaanni pisulluni tikinneqarsinnaasumi Dybbølsbro Stationimullu suli qaninnerusumi inissisimavoq. Tassanngaanniit pisulluni ilaatigut tikitassaapput Tivoli, Kødbyen pisiniarfeqarfissuarlu Fisketorvet, mittarfimmiillu qimutsuitsorluni Dybbølsbro-mut ingerlaneq minutsit 25-it missaannik sivisussuseqarluni.

Akunnittarfik napasulianik marlunnik immikkoortortalik, Tivolip qalipaatigissaartuuneranit isumassarsiorfiusimasoq 679-inik, Nunat Avannarliit ilusilersueriaasaannik ilusilersukkanik initaqarpoq. Akunnittarferujussuuvoq ilaqutariinnut, aappariinnut inuussutissarsiummullu atatillugu angalasunut piukkunnaatilik. Tassaniipput ilaatigut naluttarfik, timigissartarfik, meeqqanut pinnguartarfik neriniartarfiit imerniartarfiillu arlallit – taakkununnga ilaapput inini qullerni neriniartarfiit København qulangerlugu isikkivillit.

Tivoli Hotel pingaartumik ilaqutariinnut ilinnullu illoqarfiup qeqqaniinissamik illoqarfimmilu akunnittarfimmit nalinginnaasumit periarfissaqarnerusumik akuleriissitserusuttumut toqqagassaqqissuuvoq

Akiata qaffasissusaa: Qaffasissoq - akunnattoq

Wakeup Copenhagen Bernstorffsgade –Hovedbanegårdimut Tivolimullu qanittumiittoq

Wakeup Copenhagen Bernstorffsgade Københavnimi umiarsualivimmut qanittumi, Hovedbanegårdimiit, Tivolimiit Vesterbromiillu minutsialuit ingerlanerini pisulluni tikinneqarsinnaasumi inissisimavoq. Hovedbanegårdimit toqqaannartumik mittarfissuarmut qimutsuitsortoqarsinnaammat akunnittarfik, illoqarfimmi najugaqarfigissallugu angalanermilu akunniffigissallugu inissisimalluarpoq.

Akunnittarfik 585-inik initaqarpoq Wakeup akunnittarfiillu allat assigalugit illussanik titartaasartumit danskiusumit Kim Utzonimit titartarneqarsimalluni. Inini nutaaliaasuni anginngitsuni inissaq atorluagaavoq, init TV-ikkut isiginnaaruteqarput, nerrivimmik allaffeqarput, silaannarissaammik nillasaateqarput akeqanngitsumillu internetsimut attaveqarlutik. Akunnittarfik ullaakkorsiortarfeqarpoq, ulloq unnuarlu ammasartumik saaffiginnittarfeqarpoq assigiinngitsunillu ininik; annerusunik imal. inini qullerni isikkiviginnerusunik toqqarneqarsinnaasunik initaqarluni. Illoqarfiup qeqqaniinnissaq mittarfimmullu pisariitsumik akigissaartumillu angalasinnaanissaq kissaatigigukku toqqagassaqqissuuvoq.

Akiata qaffasissusaa: Appasissoq - akunnattoq

Comfort Hotel Vesterbro – akigissaartoq Vesterbro-ip qeqqaniittoq

Comfort Hotel Vesterbro, Vesterbrogademi Københavnimi Hovedbanegårdimiit taamaallaat minutsit tallimat pisulluni tikinneqarsinnaasumi inissisimavoq. Taamaalillutit Tivolimut illoqarfiullu qeqqanut qanittumiissaatit, tamatumalu peqatigisaanik kaffisorniartarfippassuallip, neriniartarfippassuallip pisiniarfippassuallillu Vesterbro-ip qeqqaniillutit. Hovedbanegårdimiit toqqaannartumik Københavnimi mittarfiummut qimutsuitsortoqarsinnaavoq.

Akunnittarfik 399-inik initaqarpoq 2024-imilu nutarterneqarluni. Init nutaaliaapput nalinginnaasut, eqqarsallu Comfort-imut tunngaviusoq tassaavoq, saniatigut sorpassuarnik ilaartornagit pisariaqartitavit pissarsiarinissaat. Akunnittarfik timigissarfeqarpoq, ulloq unnuarlu ammasartumik saaffiginnittarfeqqarpoq, biilinut uninngavissaqarpoq saaffiginnittarfiuutigalunilu imerniartarfeqarluni. Tassani ulloq unnuarlu tamulugassat nerisassallu annikitsut pisiassaapputtaaq

Akunnittarfik illoqarfiup qeqqani akigissaartumi najugaqarusukkuit aningaasallu akunnittarfimmi saniatigut kiffartuussinernut atornagit, Københavinimi atorusunnerugukkit, toqqagassatsialaavoq.

Akiata qaffasissusaa:  Akunnattoq

KONGENS NYTORVIP EQQAANI

Wakeup Copenhagen Borgergade – illoqarfiup qeqqaniittoq akigissaartorlu

Wakeup Copenhagen Borgergade, Københavnip qiterpiaaniippoq, ilaatigut Kongens Nytorv, Nyhavn, Strøget Amalienborgilu sivikitsumik pisulluni tikinnerqarsinnaallutik. Kongens Nytorvip eqqaani metromik Københavnimi mittarfik pisariitsumik tikinneqarsinnaavoq.

Akunnittarfik nutaaliaavoq akikitsoq illussanik titartaasartumit danskimit Kim Utzonimit titartarneqarsimasoq. 770-inik anginngitsunik, inissamik atuilluartunik nalinmginnaasumik ilusilikkanik, ilaatigut TV-kkut isiginnaarutilinnik, allaffinnik nerrivilinnik, silaannarissaammik nillasaatilinnik akeqanngitsumillu internetsimut attavilinnik, initaqarpoq. Akunnittarfik ullaakkorsiorfeqarpoq, ulloq unnuarlu ammasartumik saaffiginnittarfeqarpoq, imeruersaatinillu tamulugassanillu torsuusami pisisoqarsinnaalluni.

Københavnip qeqqani akigissaartumi najugaqarusukkuit angisuumik ineqarnissaq imal. saniatigut sorpassuit pisariaqartinngikkukkit toqqagassaqqissuuvoq.

Akiata qaffasissusaa: Appasissoq - akunnattoq

FIELDSIP EQQAANI

Crowne Plaza Copenhagen Towers – ilorrisimaarnartoq Ørestadimiittoq

Crowne Plaza Copenhagen Towers Ørestadimiippoq Københavnimi mittarfiup illoqarfiullu qeqqata akornanniilluni. Metro qimutsuitsullu akunnittarfimmut qanittumiipput, metromillu illoqarfiup qeqqanukarneq minutsit qulit missaannik sivisussuseqarpoq. Fields akunnittarfiup eqqannguaniippoq, Royal Arena aqquserngup illuatungaaniilluni, Bella Centerilu metromik uniffimmi siullermiilluni.

Akunnittarfik angisuunik qaamasunik, Nunani Avannarlerni ilusilersueriaatsimik tunngavilinnik initaqarpoq 1.400 m²-isullu annertutigisoq alutornaqisoq naasorpassualik qeqqaniilluni. Akunnittarfik aamma timigissartarfeqarpoq, imerniartarfeqarpoq, danskillu Amerikarmiullu nerisassiaannit isumassarsiorfinnik sassaalliuteqartartumik neriniartarfeqarlunilu (BARK).

Akunnittarfimmi pisariitsumik mittarfimmut illoqarfiullu qeqqanut angalasinnaallutit ilorrisimaarnartumiinnissaq kissaatigigukku, Københavnillu pisoqartaaniinnissaq pisariaqartinngikkukku, Crowne Plaza Copenhagen Towers toqqagassaqqissuuvoq.

Akiata qaffasissusaa: Qaffasissoq - akunnattoq