Suliffinnut atatillugu angalanerit ilisimasaqarluarfigaagut
Aqqutaa tamaat toqqissisimatissavatsigit
Air greenlandip nunattalu ilagaatigut
Nunarput immikkut ilisimasaqarfigaarput avannaaniillu kujammut tamaat ilisimaaralugu. Ukkassinitta ilisimasattalu angalatitsisutut pitsaanerpaanngortippaatigut. Kalaallisut oqaatsit atorpagut. Kulturi ilisimaaraarput. Maani pissutsinik soqutiginnittuuvugut suliniutinullu tamanut iluaqutissanut tapersersuisuulluta. Nunarput uummammioralugu taamaaliorpugut.
Soorunami Kalaallit Nunaat pillugu immikkut ilisimasaqarpugut – angallaviit, aallartussat, akunnittarfiit vandrehjemmillu tamakkerlugit nalunngilagut. Bilitsinik akikinnerpaarsiornissaq imal. pilertornerpaamik angalanissaq, akunnittarfimmik alianaannerpaamik nassaarnisaq imal. unnuiffissamik akikinnerpaamik nassaarnissaq naammassisarpagut– sinerissami sumiiffimmut avinngarusimanerpaamut angalassaguit apuutivinnissat qulakkeersinnaavarputtaaq.
Nunatsinni Danmarkimilu inuussutissarsiornermut immikkoortortatsinni sulisut nunatsinnut, nunatsinni nunatsinniillu niuernermik ingerlatsinermut atatillugu angalanernik pilersaarusiornermut immikkut ilisimasaliupput, pitsaanerpaamillu/pisariinnerpaamik/isumatusaarnerpaamik akikinnerpaamillu ataqatigiissaarineq tamatigut iluatsitarparput.
Nunatta Angalatitsivianit angalaneq, ineqarneq allallu angalanermut tunngasut pingaarnerit ataatsimoortut, qinigassarpassuit assissaqanngitsut neqeroorutaapput – angalanissallu sullitatta pisariaqartitaannut kissaataannullu naleqqussakkat immikkut aaqqissuussat neqeroorutaallutittaaq. Tamatuma saniatigut ataatsimoorluni angalanernik, ataatsimeersuarnernik kiisalu atuartartutut- niuernermillu ingerlatsinermut atatillugu angalanernik aaqqissuusinerit neqeroorutigaagutaaq.
Angalanermi assissaqanngitsumik, pissanganartumillu misigisaqarusulluni angalasumut angalanermik inuunermi puigugassarinngisamik misigisaqartitsisarpugut – niuernermillu ingerlatsinermut atatillugu angalaneq tamakkerlugu toqqissisimatitsisarluta.
Nunatsinnut, nunatsinni nunatsinniillu misigisassarsiorluni angalanerit inuussutissarsiummullu atatillugu angalanerit Nunatta Angalatitsivianit neqeroorutaapput. Immikkut ilisimasaqarnerput ilinniagaqassuserpullu, privatitut angalasunut inuussutissarsiutilittullu sullitanut tuniniakkanik aaqqisuussinernillu, nunatsinni angalatitsinermi immikkut ilisimasalittut atorusunneqarnerpaatut inissisimaffitsinnik erseqqissaasunik, tamatigut neqeroorsinnaalersitsivoq.
Angalanissanik pisineq tatiginninnermik tunngaveqarpoq uagullu suna tamaat atorlugu angalalluarnissavit qulakkeernissaa isumaginiartarparput. Tamatigut pitsaanerpaamik siunnersorsinnajumallutit suleqatigiinnissamut isumaqatigiissutigut malitseqartittuarpagut, unnuiffissallu pitsaassusaannut nioqqutillu ineriartornerannut malinnaajuarluta. Nioqqutinik ineriartortitsinermi sullitarisimasatta angallassisartuttalu oqariartuutaat naalaarniartarpagut, misiliummillu angalasarluta.
Angalatitsivik nunatsinnut angalanernik tuniniaanermik ukiut 35-it sinnerlugit misilittagaqarpoq, ataatsimullu isigalugu Københavnimi allaffimmi sulisugut ukiut 500-it pallingajallugit nunatsinni najugaqarsimapput imal. angalasarsimapput. Nunatsinni allaffigut sisamaasut taamatuttaaq angallassisartugut tamakkerlugit ilanngutissagutsigit ukiut 1.000-it sinnissagunarpagut, illoqarfik, nunaqarfik savaateqarfilluunniit minnerpaamik arlatta ataatsip tikissimagaa toqqissilluta oqarsinnaavugut!
Internet aqqutigalugu uatsinni niueraangavit, toqqissillutit niuersinnaanerit qularutigissanngilat. qarasaasiakkut niuernermi atuisunik illersuinissamut maleruagassanik eqquutitsisutut akuerisaaneq, inatsimmik qarasaasiakkullu niuernermi atuisunik illersuinissamut maleruagassanik eqquutitsinermut ilisarnaatip, atuisunik immikkut illersuinissamut piumasaqaataanik tamatigut eqquutitsinissatsinnik isumaqarpoq. Qarasaasiakkut pisiniarfinni niuernermi, atuisunik illersuinissamut maleruagassanik eqquutitsisutut akuerisani niuerninni, atuisutut oqarasuaatikkut immikkut siunnersuisarfianik atuinissamut tamatigut periarfissaqarputit.
Qarasaasiakkut niuernermi atuisunik illersuinissamut maleruagassanik eqquutitsinermut ilisarnaat tassaavoq, isumannaatsumik internetsikkut niuernissamut danskit ilisarnaaseeriaasaat. Ilisarnaammut tassunga tunuliaqutaasut tassaapput Atuisartunut Siunnersuisoqatigiit/ Forbrugerrådet, Dansk Erhverv, DI, FDIH, HK, Dansk IT aningaasaqarnermullu siunnersuisoqatigiit/Finansråd. Qarasaasiakkut niuernermi atuisunik illersuinissamut maleruagassanik eqquutitsinermut ilisarnaatip – internetsikkut niuernissat sioqqullugu, niuernerpit nalaani tamatumalu kingorna malittariuassavaatit, taakkulu inatsisilerituuisa, internetsikkut niuerfiit tamatigut inatsisinik ilisarnaatillu tamatuma atuisartunut immikkut illersuinissamik piumasaqaatitaanik eqquutitsinerannik qulakkeerniarlutit, pisiniarfiit taamaattumik ilisarnaasikkat nakkutigiuarpaat. Ikiortissamik atorfissaqartitsilissaguit, e-mærkip inatisilerituui siunnersornissannut apeqqutissaqaruillu taakku akinissaannut piareersimajuarput.
Vi er medlem af Danmarks Rejsebureau Forening og er IATA-agent – din tryghed for et seriøst rejsebureau. Vi er naturligvis også medlem af Rejsegarantifonden.
Danmarkimi angalatitsiviit peqatigiiffianni Danmarks Rejsebureau Forening (DRF) soorunami ilaasortaavugut. Danmarks Rejsebureau Foreningimi ilaasortanngussagutta pitsaassutsimik qaffasissumik eqquutsitsinissamut aningaasaqarnermullu piumasaqaatit arlallit eqquutsissavagut. Taamaammat ilinnut atuisumut, angalatitsivippit DRF-imut ilaasortaanerata ilisimanera pitsaassutsimik naqissusiivoq. Ilaasortatut ilaatigut akisussaasuunermut sillimmasiissummik annertusisamik piumasaqaataasumik, atuisutut aaqqissuussisup/angalatitsiviup akisussaaffigisaanik ajoqusersimaguit, taarsiiffigineqarnissannik qulakkeerisumik sillimmaserpugut. DRF-imi ilaasortaaneq- maalaarutit isumaqatigiissutigisinnaanngikkutsigu, angalaneq ineqarneq allallu angalanermut tunngasut pingaarnerit ataatsimoortut pillugit malaarutinik aalajangiisartuni aalajangikkanik eqquutitsinissamut pisussaaffeqarnitsinnik isumaqarportaaq.
Taama pisoqannginnissaa soorunami anguniagaraarput.
Nunatta Angalatitsivia IATA-mi (International Air Transport Association) ilaasortaavoq. Nunarsuaq tamakkerlugu timmisartortitseqatigiit kattuffiat IATA- angalatitsisartutut akuerisatut, sulisutsinnik ilinniartitsinissamut piumasaqaatit sakkortuut saniatigut, ajunaaruteqarsinnaanermut sillimaneq, akiliisinnaassuserlu eqqarsaatigalugit, aningaasaliinissamut piumasaqaatit, Angalatitsiviup eqquutsissavai. Ilaasortaaneq Nunatta Angalatitsiviata nunarsuarmi timmisartortitseqatigiit amerlanersaannut billetsiliorsinnaanermut akuersissummik peqarneranik isumaqarpoq.
Nunatta Angalatitsiviata akiliisinnaassusaa pitsaasumik inissisimavoq. Tamanna sullitanut pilersuisunullu isumannaassutsip annertuneranik isumaqarpoq. Naliliineq taamaattoq suliffeqarfimmut akiliisussaatitaanermik eqquutsitsilluarsinnaasumut tunniunneqartarpoq.
Nunatta Angalatitsivia suliffeqarfissuarmut Air Greenland-imut ilaammat tunniussisinnaanermut pisussaaffitsinnillu eqquutsitsisinnaanermut qajannaatsumik tunngavissaqarpugut. Taamaammat Nunatta Angalatitsivia toqqissillutit niuerfigisinnaavat. Soorunalumi angalanermi qularnaveeqqusiinermut aningaasaateqarfimmi, Danmarkimilu angalatitsiviit peqatigiiffianni ilaasortaavugut, tamatumalu saniatigut nunarsuaq tamakkerlugu timmisartortitseqatigiit kattuffianit (IATA) akuerisaalluta.
Suliffeqarfiup naliliivigineqarnera akiliisinnaassusaanik aniguisinnaassusaanillu oqaatiginnittuuvoq. Naliliineq, naatsorsuinermi toqqammavissaq, pissutsinik assigiinngitsorpassuarnik eqqarsaatiginnittoq, tunngviagalugu naatsorsugaavoq. Taakku ilaatigut tassaapput tunngaviusumik paasissutissat, piginnittuunermut tunngasut, aningaasaqarneq akiliisarnermullu atatillugu misilittagaqarneq.
Naliliivigineqarnerput pillugu ilisimassallugit pingaarutillit
Naliliivigineqarneq suliffeqarfiup pilersuisuminut akiliiniarnermut ajornartorsiortitsisinnaaneranik oqaatiginnippoq. Ilimanaat naqinnerit -AAA (pitsaanerpaaq) C-lu (ajornerpaaq) atorlugit takutinneqartarpoq.
Ilisarnaat ataaniittoq suleqatitsinnit avataaneersumit ullut tamaasa nutarterneqarpoq taamaammallu tutsuiginarluni.
Suliffeqarfissuup immikkut piginnaasaqarfii nunatsinnilu suleqatitut attaveqarfigisat ilinniarsimasut amerlaqisut uatsinni periarfissaammata, atuisutut ilinnut tamanna immikkut naleqarpoq. Air Greenland Groupimi Air Greenlandip Nunattalu Angalatitsiviata saniatigut Ilulissani Hotel Arctic- World of Greenlandilu ilaapput.
Nunatta timmisartortitseqatigiiffia 1960 -imi ”Grønlandsfly”-mik atserneqarluni pilersinneqarpoq. Ingerlatseqatigiiffik 2002-mi Air Greenland-imik atserneqarpoq pilersinneqarnerminiillu maannamut ineriartupiloorsimalluni. Immammut mittartuniit sukkasuulianut, qulimiguullit atorlugit kiffartuussinermiit suluusalinnik assartuussinermut.
Hotel Arctic Ilulissani akunnittarfiuvoq sisamanik ullorialigaq tallimanillu ullorialikkamik ataatsimeersuarfissalik. Tassani inissat 90-iupput taakkunannga pitsaanerit 22-illutik suli pitsaanerit 21-illutik pitsaanerpaallu (suite) qulaaluaallutik. Taakku saniatigut ataatsimeersuartunut marlunnik inersuaqarpoq, marlunnik ataatsimiittarfeqarluni, neriniartarfeqarluni, sutorniartarfeqarluni imerniartarfeqarlunilu.
World of Greenland Nunatta Angalatitsiviata Ilulissat Travel A/S-illu akornanni suleqatigiiffiuvoq. Ingerlatseqatigiiffik Ilulissaniippoq illoqarfimmilu tikeraanut misigisassarsiorlunilu umiarsuarmik, qulimiguulimmik pisullunilu nunakkut angallassinernik neqeroortuulluni.
Tamatuma saniatigut ingerlatseqatigiiffik umiarsuarnut takornariartaatinut kiffartuussisuuvoq Ilulissanilu vandrehjemmimik, illuaraqarfimmik Glacier Lodge Eqi-mik, (Eqip Sermiata eqqaaniittumik), illuaraqarfimmik Ilimanaq Lodge-imik ukiumilu aamma illuikkiaqarfimmik Igloo Lodge-imik ingerlataqarluni.
World of Greenlandip ilisarnaatigaa iluliaq, ingerlatseqatigiiffiup Ilulissat kangerluata eqqaaniinneranik oqariartuuteqaannarani, pinngortitalli tamarmi serminik iigartartunik, ilulissanik pinneqisunik, soorunalumi sermersuarmik sunnerneqarneranik ilisarnaateqarpoq.
Arctic Excursions nunarput tamakkerlugu misigisassanik ingerlatitseqqiisuuvoq. Angalatitsisartut pitsaanerpaat amerlasuut Arctic Excursions aqqutigalugu misigisassarsiortitsisut katersorpagut. Tamatigut pitsaanerpaanik innersuussivigisinnaajumallutit, nuna tamakkerlugu suleqatigut attaveqarfigilluarpagut unnuiffiusinnaasullu pitsaassusaannik tuniniakkanillu inerisaanernik immitsinnut malinnaatittuarluta.
Angalatitseqatigiiffiup Greenland Travelip ilisarnaataa tassaavoq- maani malunnaatillit annersaat tassalu arsarnerit. Arsarnerit issittoq minguitsoq inunnit tikinneqajuitsoq ilisarnaatigaat.
Inuussutissarsiutilinnut angalatitsivik sullissinera qaffasissumik pitsaassusilik kissaatigaajuk? Inuussutissarsiummut atatillugu angalaninnut tunngasumik apequtissaqarpit? imal. angalanissamut piumasaqaatitit aallaavigalugit aalajangersimasumik neqeroorfigineqarnissamik kissaateqarpit? Apeqqutivit akinissaannut piareersimavugut.
Kalaallit Nunaat:
+299 70 11 07
booking@greenland-travel.gl
København:
+45 3313 10 11
erhvervcph@greenland-travel.dk
Nunatta Angalatitsivia
Aqqusinersuaq 3A
3900 Nuuk
Grønlands Rejsebureau
Wilders Plads 13A, 1.
DK – 1403 København K
Ataasinngornermiik
tallimanngornermut:
Oqarasuaat:
9:00-16:00
Iserluni saaffiginnittarfik:
Kalaallit Nunaat: 10.00-15.00
København: 9.00 – 15.30
