SULIFFINNUT ATATILLUGU ANGALANERIT ILISIMASAQARLUARFIGAAGUT AQQUTAA TAMAAT TOQQISSISIMATISSAVATSIGIT AIR GREENLANDIP NUNATTALU ILAGAATIGUT

Nuummut sivitsukkamik sapaatip akunneranik naanersiorneq

Københavnimiit Nuummut sapaatit akunnerisa naanerat sivitsugaq

Illoqarfiit pingaarnersaanni Nuummi alutornartumi sapaatit akunnerannik naanersiornermi sivitsukkami Nunatta ilamininngua misigisaqarfigiuk. Aqqusernit paarlaffiisa qullii, bussit biilerpassuillu illoqarfinnut minnernut sanilliullutik amerlanerupput, kisiannili pinngortitaq alianaatsorsuaq killingusaallu tungaanut isikkivik killeqanngitsoq isigileraanni illoqarfissuarmi inuuneq puigugassaavoq.

Nuummi pinngortitamik, kulturimik oqaluttuarisaanermillu soqutiginnittunut, aammalu illoqarfissuarmi inuunermik ulapaarfiusumik nuannarinnittunut misigisassarpassuupput.

Ukioq kaajallallugu Nuummi misigisassarpassuaqarpoq. Nunatta Katersugaasivia eqqumiitsulianullu katersugaasivik ukioq kaajallallugu ammasarput, taamatullu Nuup saava alakkassallugu nuannertuaannarluni. Aallaaniarnermik nuannarisallit septembarimi oktobarimilu angalassagunik tulluarneruvoq, kiisalu novembarimi decembarimilu Nuuk Centerimi juullimut tunissutissanik pisiniarnissamut periarfissaqarluarluni. Aamma Katuap nittartagaani tusarnaartitsinernik ilaaffigerusutannik pisoqassanersoq malinnaaffigiuk.

Malugeqquarput: Angalaneq una sivitsorneqarsinnaanngilaq allatigulluunit ullui angalaffissallu nalunaaqutai allanngortinneqarsinnaanatik.

Angal. Pilersaarut

Nuummut angalanermi illit nammineerlutit kissaatigisatit malillugit ullut ilusilersorsinnaavatit – pinngortitami illoqarfissuarmiluunniit sammisaqarusukkuit periarfissatit matup silatinnguaniipput.

Misigisassaasinnaasut!

  • Nuuk Center-imi pisiniarfipparujunnilu allani pisiniarneq
  • Katuami katersugaasivinnilu kultur-isiorneq
  • Neriniartarfiit Café-llu arlallit
  • Timersornermut tunngasunik pisussat
  • Ikinngutit ilaquttallu pulaarlugit!

Angalanissamut ilaapput

Timmisartorneq & angalanissat

2024

Timmisartumik København – Kangerlussuaq s/u

Timmisartumik Kangerlussuaq – Nuuk s/u

2025

Timmisartumik København – Nuuk s/u

2025:

Nuummi mittarfimmiit akunnittarfimmut uterlugulu angallanneqarneq

 

Unnuiffissaq

HHE Express-imi unnuinerit sisamat

 

Unnuif. Assingi takukkit

Nerisaqarneq

Ullut tamaasa ullaakkorsiorneq

 

Allat

Akileraarutit akitsuutillu tamarmik

 

Ilaangillat

Piffissani allani nerisassat

2024:

Nuummi mittarfimmiit akunnittarfimmut uterlugulu angallanneqarneq

Akunninneq

Angalaarnerit

Angalanermut sillimmasiissutit

Ullormut pilersaarutit
Ulloq 1 Timmisartumik – København-(Kangerlussuaq)-Nuuk, inissinneqarneq

2024-imi
Københavnimiit nunnikkuit HHHE Express-mut alianaatsumut inissiffissarnut ingerlaqqissaatit. Hotel Hans Egede sisamanik ullorialik qaqqanut aammalu Nuup Kangerluata anigguanut alianaatsorsuarmik isikkivilimmiippoq. Aamma akunnittarfik Nuup qeqqaniippoq, aammalu angalanerit aaqqissuussat atorlugit nammineerlutilluunniit illoqarfiup qanitaaniittut misissornissaanut periarfissaqarluarputit.

2025-imi
Angalanerit Københavnimi aallartissaaq, tassannga Nuummut timmisartussaatit, ullaallu tungaa tikillutit. Nuummi mittarfimmiit akunnittarfimmut alianaatsumut HHE Express-imut najugassannut ingerlanneqassaatit. Akunnittarfik nunani tamalaani avatangiisinik mingutitsinaveersaarnermut malinninnermut uppernarsaateqarpoq (The Green Key), illoqarfiullu qeqqaniimmat qanitaanut- aaqqissuussamik angallassinermi peqqataanikkut imal. nammineq angalaarnikkut- paasisassarsiornissamut periarfissaqarputit.

Ulloq 2-4 Nuummiinneq

Ulluni tallimani Nuummiinnerni periarfissaqarluarpoq. Illoqarfiup qeqqaniittumut Katualiarsinnaavutit, taassumalu sanianiilluni pisiniarnissamut periarfissarpassuit. Tassanngaanniit illoqarfitoqaq takusarsinnaavat, eqqaamallugulu aamma Nunatta Katersugaasivia takusarnissaa, tassani takusinnaallugit Qilakitsormiut timit paniinnarnikut. Timit paniinnarnikut paarilluangaarmata soorlulu piffissaq taamanimiit uniinnarnikoq. Sapaatikkut Nunatta Katersugaavianut iserneq akeqanngilaq.

Nuummiinnerni aamma innersuussinnaavarput Nuummi Eqqumiitsuliortut Saqqummiivianut takusaanissaq. Tassani takuneqarsinnaapput nunatsinnik qalipaasimasoq tusaamasap Emanuel A. Petersen-ip (1894-1948) qalipatai. Ukiup ingerlanerani ammasarfiit assigiinngissinnaammata nammineq misissussavatit Nuummiinnerni ammasarfiit qanoq innersut.

Pinngortitaq nuannarisuugukku Nuup eqqaani pisuttuarnissamut periarfissat arlaliupput.

Unnukkut nerinissamut neriniartarfinnik arlalinnik periarfissaqarluarpoq. Katuamilu arlaannik pisoqartoqassanersoq, nipilersortunik imaluunniit takutitsisunik, aamma misissorniariuk.

Ulloq 5 Angerlamut aallarneq, timmisartumik Nuuk – (Kangerlussuaq) – København

Ullut nuannersut tallimat naalerput, maannalu Københavnimut uterlutit aallartussanngorputit.

2024-imi Kangerlussuarmi nal. ak. 4-5 akornanni akunnittoqartassaaq. Takornarniarnermut imal. qeriuaannartup narsarsuani misigisassarsiornissamut piffissaq atorsinnaavat. 2025-imi Københavnimiit Nuummut toqqaannartumik timmisalissaasi.

Akia, inimi marluuttarissami kr. 8.495.

Angalaneq normu 6006
Januar-december
Ullut tallimat
Sisimiuniit aallarneq
Immikkut angalaneq

MALUGINIAGASSAQ: Ajoraluartumik nittartakatsinni kalaallisuumi toqqaannartumik inniminniineq periarfissaanngikkallarpoq. Angalanissaq inniminnerusukkukku, takornarissanut nittartakkatsinnut qallunaatuumut ingerlatinneqassaatit. Tassanngaanniit inniminniisinnaavutit.

Paasissutissat naleqquttut

Timmisartorfissat (najukkani nalunaaquttat):

2024-imi

Aallarfissaq
Københavnimiit aallarfissaq nalunaaqutaq kl. 10.00.

Tikinnissaq
Københavnimut tikinnissaq nalunaaqutaq 20.15.

Aallarfissat uku minillugit: 18. april, 30. maj, 18. juli, 8. aammalu 22. august
Københavnimiit aallarfissaq kl. 11.40
Københavnimut tikinnissaq kl. 20.25

2025-imi

Aallarfissaq
Københavnimiit aallarfissaq nalunaaqutaq kl. 10.45.

Tikinnissaq
Københavnimut tikinnissaq nalunaaqutaq 19.30.

 

Malugiuk, timmisartuutileqatigiiffiup piffissat aallarfissat allanngortissinnaammagit.

Malugeqquarput: Angalaneq una sivitsorneqarsinnaanngilaq allatigulluunit ullui angalaffissallu nalunaaqutai allanngortinneqarsinnaanatik.

 

Malugeqquarput

Angalaneq una sivitsorneqarsinnaanngilaq allatigulluunit ullui angalaffissallu nalunaaqutai allanngortinneqarsinnaanatik.

Nassatassat nassarneqarsinnaasut
Tunniussassat 20 kg tigummiagassallu 8 kg (tigummiat annerpaaffigisinnaasaa: 55 x 40 x 23 cm).

Angallarluttut kaassuartakkamiittullu
Ajoraluartumik angalaneq angallarluttunut kaassuartakkaniittunullu naleqqutinngilaq. Angalaarnerit Nunatta Angalatitsivianit aaqqissuussat ajornassutsimikkut angalasunut angallarluttuunngitsunut naatsorsuussaapput. Kissaataasoq naapertorlugu angalasup pisariaqartitaa eqqarsaatigalugu, angalanerup piukkunnassusaa pillugu paasissutissiinissatsinnut soorunami piareersimavugut. Maluginiaruk nakorsaanermut tunngasutigut siunnersuinissamut piginnaasaqannginnatta, illit angallarluttutut Nunatta Angalatitsivianik oqaloqateqarneq tunngavigalugu angalanissaq una toqqarukku, nammineq akisussaaffigissavat.

Nunagisaq qimannagu Kalaallit Nunaanni sulinngiffeqarneq - staycation

Angalanerinnanngitsunik aammali toqqissisimanermik tuniniaagaqarpugut. Kalaallit Nunaannik immikkut ilisimasaqarpugut, nunalu avannaaniit kujataanut ilisimalluarlugu. Taamaatumillu sullitagut toqqissisimatilluartuarpagut. Aqqutaa tammaat.

Apeqqutissaqarpit? Angalatitsinermut immikkut ilisimasalittatta ilaannut saaffiginnigit.

Angassaguit uagut aqqutigaluta inniminniigit. Angalanissannik pilersaaruit allaffigisigut, periarfissarsiussavatsigit. Aamma 701107-mut sianernissamut tikilluaqquatsigit.