Angalanermut sillimmatit

Angalanermut sillimmasiissutit eqqortut nassakkit

Kalaallit Nunaat qimassagukku erngerlutit angalanermut sillimmasiissutivit isumannaarnissaat pingaaruteqarpoq. Nunami allamiinninni angerlarnissamik, napparsininni ikiorneqarnissamik, eqqartuussissuserisumit ikiorneqarnissamik allarpassuarnillu tassanngaannartumik pisariaqartitsileruit akilerneqarnissaannut angalanermut sillimmasiissutinik eqqortunik nassarnissat qulakkiissavarput.

Nunatta Angalatitsivianni Europæiske Rejseforsikring suleqatigalugu angalanermut sillimmasiissutinik neqerooruteqartarpugut. Taamaalillutit sillimmasiissut pitsaanerpaaq pigissavat aammattaarlu ulloq kaajallallugu qallunaatut oqaluttunik sulisoqartarluni.

Angalanermi sillimmasiissutit nassatassat

Nammineerlutit angalassaguit sillimmasiissutit uku pisiarissagitit inassutigaarput.

• Napparsimasoqarnermi taamaatitsinermut sillimmasiissut
• Angalanermut sillimmasiissut

Napparsimasoqarnermi taamaatitsinissamut sillimmasiissut

Napparsimasoqarnermi taamaatitsinissamut sillimmasiissut ilaquttani qaninnerpaani tassanngaannartumik napparsimasoqartillugu toqusoqartilluguluunniit matussusiisarpoq. Sillimmasiissut allanik aamma uani taagorneqanngitsunik matussusiisarpoq. Sillimmasiissut angalanerup nalingata 6%-ianik akeqarpoq. Angalatuujuguit ukiumoortumik sillimmasiissummik pisinissaq akilerluarsinnaavoq. Akinik periarfissanillu paasiniaallutit saaffigisinnaavatsigut. Angalanissamut billetsinik pisinermi sillimmasiissut ilanngullugu pisiarineqassaaq.

Angalanermut sillimmasiissutit

Nammineerlutit nunanut allanut angalassaguit, aammaluunniit Danmarkiliaannassaguit sillimmaserluarsimanissat pingaaruteqarpoq. Angalanermut sillimmasiissutit assigiinngitsut assigiinngitsunut matussutaasussat pigaavut. Angalanissat Nunatta Angalatitsiviannut inniminnerukku, tamatuma peqatigisaanik angalanermut sillimmasiissutinik eqqortunik toqqaanissamut siunnersorneqassaatit. Angalatuujuguit ukiumoortumik sillimmasiissummik pisinissaq akilerluarsinnaavoq. Ilaquttanut aamma pisisoqarsinnaavoq. Tamakku tamaasa siunnersuutigisinnaavagut. Kingusinnerpaamik angalaffissaq ullormik ataatsimik sioqqullugu pisiarineqassaaq.
Angalannginnerni saaffigitigut, taava sillimmasiilluarnissamut siunnersorumaarpatsigit.