Naleqartitagut

Nunatta Angalatitsivia naleqartitanik iliuuserisatsinni tamani ersitsunik tunngaveqarpoq. Taanna nunatsinni angalalitsivittut pitsaanerpaajussagutta piumasaqaataavoq pingaarutilik.

Naleqartitagut pingaarutillit tallimat

TIKILLUARIT!

Kikkut tamaasa – nunatsinneersuuppata avataaneersuuppataluunniit tamatigut tikilluaqqusarpagut. Nunarput avannaaniit kujammut tamaat ilisimavarput. Kalaallisut oqaaseqarpugut kulturilu ilisimaaralugu. Maani pissutsinik soqutiginnittuuvugut suliniutinullu tamanut iluaqutissanut tapersersuisuulluta. Ukkassatta ilisimasattalu angalatitsisunngortippaatigut pitsaanerpaaq.

KALAALLIT NUNAAT UUMMAMMIORAARPUT

ANGUSAQARUSUSSUSEQARPUGUT

Nunatsinni angalanissanik neqeroortutut pitsaanerpaarusuppugut. Kajumissuserput pimoorussinerpullu sullitanik nuannaalersitsipput ingerlatarpullu inerisarlugu.

ANGUSSAANNGITSUTUT ISIKKOQARSINNAASUNIK ANGUNIAGAQARPUGUT

SOQUTIGINNINNEQ ANNERTOOQ TAKUTITARPARPUT

Suliarput soqutigilluinnagaraarput. Suliassat, sullitat suleqatigisallu nuannaarluta nukissaqarlutalu isumagisarpagut. Sullitagut immitsinnullu naalaartarpugut. Ataqatigiinnerput toqqissinermik pilersitsiarpoq sullitatsinnullu angalanissaq sioqqullugu, angalanerup nalaani tamatumalu kingorna toqqissisitsisarluni.

NUKIGUT PITSAASUT ANGUSAQARFIUSARPUT

PIGINNAASAGUT INERISARPAGUT

Angalasunut angalanissanik aaqqisuussinernillu pitsaanerpaanik neqeroorsinnaajumalluta suli pitsaanerulerusuppugut. Tamanna uatsinnut suliffeqarfittut ataasiakkaanik unammiliinertut inerisaanertullu angusaqarnissamullu kajumissaarinertut isumaqarpoq.

ILISIMASAGUT PIGINNAASAGULLU ATAATSIMUT ANGUSAQARFIUSARPUT

AQQUTISSIUERUSUPPUGUT

Alapernaanneq nunatsinnillu nuannarinninneq nukiuvoq isumassarsianik nutaanik aaqqiissutissanillu kinguneqarluartunik pitsanngorsaanissamik inerisaanissamillu ingerlatitsisoq. Sullitatsinnut ingerlatatsinnullu siuttuunissamut- periarfissanillu nutaanik pilersitsisinnaajumalluta ileqquliutiinnakkanik taamaatitsinissamut piareersimassaagut.

NUTAARLUINNARNIK ISUMASSARSIORPUGUT

ATAQQINNIPPUGUT

Ataqqinnippugut ataatsimoorluta aalajangeeqataasaratta, suleriaatsigut isumaqatigiissutigisaratsigit, naleqartitagullu assigiillutik. Suliagut pingaartinnerpaaraagut, taamaalilluta nioqqutigisagut sullitatsinnut immitsinnullu sullisseriaasittalu piginnaalluarnissaanut salliuttuarlutigu. Suliffeqarfik piginneqatigiiffigisarput ataqqivarput tulluusimaarutigalugulu inuiaqatigiinnut tapeeqataasinnaagatta. Ingerlaaqatigiinnitsinni immitsinnut ataqqinnilluta unammillersinnaasarpugut. Nunatta Angalatitsiviata tamatta immikkut tatiginninnera qujagaarput, nalunngilarpullu tamatta immikkuullarissumik tapeeqataalluta.

TORERSUMIK PISSUSEQARPUGUT