Immikkut ittunik pisariaqartitsinermi 

Akuersissut 

Nunatta Angalatitsiviani angalanissamik inniminniiguit timmisartumik angalaninnut akunnittarfinnilu najugaqarninnut atatillugu nerisassanik immikkut ittunik inniminniinissamut periarfissaqarputit. Takku tassaasinnaapput nerisassat upperisamut attuumassuteqartut, sapigaqartunut nerisassiat imal.  nerisat oqitsut. Tamatuma saniatigut inuttut innarluuteqarneq nappaateqarnerluunniit pissutigalugu immikkut ikiorserneqarnissamut inniminniisinnaavutit.

Nerisassanik immikkut ittunik immikkulluunniit ikiorneqarnissamut inniminniiniaruit, tamatuma peqatigisaanik Nunatta Angalatitsiviata paasissutissanik suliaqarsinnaaneranut- taakkulu timmisartortitseqatigiinnut, mittarfinnut imal. akunnittarfinnut angalaninnut atatillugu atukkannut ingerlateqqissinnaanerannut akuersissaatit. Nunatta Angalatitsiviata kissaatitit naapertorlugit angalanerpit ingerlanissaanut paasissutissanik pisariaqarluinnartunik taamaallaat timmisartortitseqatigiinnut, mittarfinnut akunnittarfinnullu ingerlatitseqqiinissaq isumagissavaa.

Nunatta Angalatitsivianut attaveqarnikkut: marketing@greenland-travel.dk, sukkulluunniit akuersissutit utertissinnaavat, taamaalippat Nunatta Angalatitsiviata paasissutissat ilinnut tunngasut atorsinnaajunnaassavai.

Paasissutissat ilinnut tunngasut uatsinnit qanoq suliarineqartarnerat, pisinnaatitaffitit, kiisalu paasissutissanik ilinnut tunngasunik suliaqarnitsunnut atatillugu maalaaruteqarnissamut periarfissatit, Nunatta Angalatitsiviata paasissutissanik inunnut ataatsiakkaanut tunngasunik allanut isertuussinermut politikkiani nassuiarneqarput.