Atorfiit inuttassarsiuussat

Aasaanerani Ilulissani misigisassarsiortussanut ataqatigiissaarisoq/Guest Experience Coordinator

Kiffartuussineq tikeraallu nuannersunik misigisaqartinnissaat soqutigilluinnagaraagit?

Qungujulaartuuit, suliassat amerlagaluit ataatsimut isiginnissinnaavit, nuannersunik misigisaqartitsinissaq kajungeraajuk? Taamaassappat tassaasinnaavutit Greenland Travelimi 1/6-15/9-2026 Ilulissani misigisassarsiortussanut ataqatigiissaarisussarput.

Suleqatigiiuvugut ikittunnguit tunniusimasut Ilulissani allaffillit, ornigassami tikeraanut tikilluaqqusiffittut atuuppugut. Tikeraat najukkamilu angallassisartut, misigisassarsiorluni angalanissanik sammisassanillu tamanik isumaginnittut pikkorissorpassuit akornanni atassutaavugut. Uagut nammineq angalatitsisanngilagut, tikeraalli nunatsinni toqqissinartumik, ataqatigiissaarluakkamik eqqaamasassamillu misigisaqarnissaat qulakkeerniarlugu, najukkami suleqatigisanik qanimut suleqateqarluta.

Suliffik

Misigisassarsiortunut ataqatigiissaarisutut tassaassaatit ornitassami tikeraat saaffissaat siulleq. Pilersaarusiornermi, ataqatigiissaarinermi najugaqarnerannilu kiffartuussineq, ataatsimut isiginninneq nuannersunillu misigisaqarneq qitiutillugit ikiuutissaatit.

Suleqatigiinneq, akisussaassuseqarneq eqaatsumillu periuseqarneq pingaarnerutillugit, ulluinnaat ulapaarfiusut inussiarnisaarfiusullu akuuffigilissavatit.

Suliassatit

Suliassatit ilaatigut makkuussapput

• Tikeraat ornitamiinnerannik ataqatigiissaarineq
• Tikeraanut paasissutissiinernik pilersaarusiorneq ingerlatsinerlu
• Bussimik angallasinernik ataqqatigiissaarineq
• Najukkami angallassisartut suleqatigalugit misigisassarsiorluni angalanissanik inniminniineq isumaginninnerlu
• Tikeraarnissaq sioqquttugu tamatumalu nalaani tikeraanik ullormut attaveqarneq
• Najukkami suleqatigisanik suleqatinillu qanimut suleqateqarneq
• Ornitassami pigaartutut oqarasuaammik isumaginninneq.

Piginnaasatit

Takorloorparput

• Inussiarnersuusutit, ajunngitsussanik ujaasisuusutit, kiffartuussiumatuujusutillu
• Suliassanik amerlasuunik ataatsikkut suliaqarneq iluarigit ataatsimullu isiginnissinnaanermik attassisinnaasutit – ulapaarnermissaaq.
• Namminersorlutit sulisinnaasutit, aammali suleqatigiinnut ilaaninnik pingaartitsisutit
• Aaqqissuussamik periuseqartutit, akisussaassuseqartutit annikittsualuillu nakkutigigitit
• Tikeraanik suleqatigisanillu qaffasissumik pitsassusilimmik inussiarnersumillu naapitsisartutit attaveqatigiinnerlu piginnaaneqarfigigit
• Danskisut tuluttullu oqalussinnaasutit allassinnaasutillu – kalaallisut piginnaasaqarneq iluaqutaassaaq
• Biilernermut atuuttumik allagartaqartutit. Inuussutissarsiutigalugu biilinik ingerlatitsinissamut allagartaqarnissaq orniginartinneqarneruvoq.

Takornarialerinermit, kiffartuussinermit imal. ataqatigiissaarinermit misilittagaqarneq iluaqutaassaaq piumasaqaataananili. Pingaarnerpaavorli qanoq isumaqarnerit, pimoorussinerit nuannersunillu misigisaqartitsinissamut kajungernerit.

Neqeroorutigaagut

• Ilulissat qeqqani aasaanerani suliffik pissanganartoq
• Ulluinnaat tamatigoortut, akisussaaffiliisut sunniuteqarfigisassallu
• Suliffik inussiarnisaarfik sukkasuumik sulianik ingerlatsivik suleqatigiilluarnerlu
• Najukkami angalatitsisartunik pikkorissunik qanimut suleqateqarneq
• Suliffeqarnerup nalaani inissamik ikiorneqarneq
• Ilulissanut /Ilulissaniillu timmisartumik angalanisamut bilitsi.

Nunatsinni najugaqartuunissat kissaatigaarput, qinnuteqartulli avataaneersut eqqortunik piginnaanillit aamma ammaffigaagut.

Apeqqutissaqaruit Destination Manager Sara Cecilie Thorsen oqarasuaatikkut: +299 947549 imal. mailikkut: sct@greenland-travel.gl. attavigisinnaavat. Qinnuteqaatit tunngavilersugaq CV-lu mailimut tassunga sapinngisamik piaartumik nassiutikkit – qinnuteqartunik ataavartumik oqaloqateqartassaagut.

Qinnuteqarfissaq kingulleq: 14. marts 2025.

Greenland Travel Leisure angalanissanik ataatsimoortunik ataasiakkaanillu, privatinut takornarianullu, nunatsinni misigisassarsiorusuttunut tunniussisarpoq. Naleqartitagut- tikeraanut suleqatigisanullu ataasimoornermik, ilinniagaqassutsimik atassuteqarfinnillu nukittuunik- tunngaveqarput.

Greenland Travel-imi sulisut tunniusimasut piginnaanillillu 52-iuvugut allaffitsinnilu illoqarfinni makkunani; Ilulissat, Nuuk, Sisimiut, Qaqortoq Københavnimilu agguataarsimalluta. Ingerlatseqatigiiffimmut Air Greenland-imut ilaavugut.